სპორტული ჟურნალისტი და ტელეკომენტატორი ლევან სალუქვაძე ყოველთვის გამოირჩევა პირდაპირობით და დაუფარავად ამბობს სათქმელს...ამჯერად, მან სანაკრებო ბატალიები შეაფასა - ისრაელთან მარცხი და ოლიმპიადაზე მოხვედრის ხელიდან გაშვებული შანსი...
- ძალიან გულდაწყვეტილი ვართ, წავაგეთ პენალტების სერიაში... მაგრამ წავაგეთ არა ერთი მატჩი, არამედ წავაგეთ ოცნება... ოცნებების სასაფლაოა მთელი ქართული ფეხბურთის დამოუკიდებელი ცხოვრება. ჯერ ქინქლაძისა და არველაძეების თაობის გვჯეროდა, მერე იყო კიდევ სხვა გამონათებები...
მერე მაკედონიასთან მატჩის გვჯეროდა... მერე ამ თამაშის გვჯეროდა... თან ბოლო ორივე დიდი მატჩი თბილისში იყო, ჩვენს ხელში იყო ყველაფერი... მაგრამ
მე არ ვამბობ, რომ აუცილებლად მოვიგებდით, ასეთ რამეებზე ვერ გამომედავებით, მაგრამ უფრო მეტი შანსი გვექნებოდა, ხალხი რომ შეგვეშვა... მეორე იყო და, აგერ, ევროპის ჩემპიონატი, ოლიმპიადა... მთელი მსოფლიო აქ იყო, ჩვენ კი ორ საუკეთესო მოთამაშეს არ ვათამაშებთ...
მე არ ვიცი, ეს მოთამაშეების გადაწყვეტილება იყო, იმათი კლუბების, მენეჯერების, ფედერაციის, მწვრთნელების, სანიოლის თუ ვისი... არ მაინტერესებს...
მთავარი არის, ვისაც ეხებოდა ამის დარეგულირება, იმას უნდა ექნა ყველაფერი, რომ ამათ ეთამაშათ... როგორ მოხდებოდა? იმიტომ არის იქ ის ხალხი, იმიტომ მართავენ, რომ თვითონ უნდა იცოდნენ...
მესმის, რომ გადაწყვეტილება რთული მისაღები იყო, მესმის, რომ მე არ შემეკითხებოდა ვინმე, როგორ მოვქცეულიყავით და არც მაქვს ამის პრეტენზია, მაგრამ პრეტენზია იმაზე მაქვს, დამდგარ შედეგზე შეფასება გავაკეთო...
და ამ შედეგზე პასუხისმგებლობა აიღოს იმ ხალხმა, ვინც ეს გადაწყვეტილება მიიღო. და გითხრათ, რა შედეგი გაქვთ? - ოლიმპიადა გაცვალეთ კვიპროსის სამ ქულაში!..
თუ ეს არის თქვენი მენეჯმენტი, მაშინ ასე გააგრძელეთ. გაუფუჭეთ ხასიათი ყველას! გადაღლილი-გადმოღლილი... პატარა ბიჭები არიან და დალაპარაკებოდით... 20 წუთით რომ შემოსულიყვნენ ისრაელთან კვარაცხელია და მიქაუტაძე, გაარღვევდნენ შუაზე ისრაელის დაცვას და გავიდოდით...
თქვენც კარგად იცით, რომ ასეა, მაგრამ იხტიბარს არ იტეხთ. ვისი გადაწყვეტილებაც იყო, ახლა ეს კვიპროსის 3 ქულა სადაც გინდათ, იქ წაიღეთ. გავუშვით ხელიდან ოლიმპიადა და ევროპის ჩემპიონატი...
რომელი ჯობდა? ამას დიდი რაღაც არ სჭირდება, გააჩერეთ ხალხი ქუჩაში და ჰკითხეთ. ნახევარფინალი კი არა, ევროპის ახალგაზრდული ჩემპიონატის ფინალურ ეტაპზე გასვლა გაგვიხდება აუხდენელი ოცნება...
რატომ არ იყო სანიოლი ჯგუფური ეტაპის თამაშებზე? მთელი მსოფლიო აქ იყო ფეხბურთის საყურებლად... თბილისში იცხოვრებსო. თბილისში ცხოვრება იმიტომ კი არ მინდა, "შარდენზე" კაფეში დაჯდეს...
ნაკრების მწვრთნელი ამაზე უკეთეს ადგილას სად წავიდოდა? სხვა ქვეყანაში რომ ჩატარებულიყო, იქ წავიდოდი საყურებლად სანიოლის ადგილას...
ჯერ ერთი, 10 ფეხბურთელი ამ ნაკრებში ჰყავს, და მერე, ვინც არ არის, პოტენციურად ეროვნულ ნაკრებში მისაწვევია ხვალ და ზეგ... დაგიბერდათ იქ მოთამაშეები, ასაკში არიან... კანკავა რომ წავიდა, სხვები ნაკლები კი არ არიან ასაკით, უკვე მოდის მათი შეცვლის დრო და ამ ნაკრებიდან უნდა შეცვალოთ...
...და დიდი აფიშები - "სანიოლი ისრაელთან მატჩს დაესწრება". დიდი მადლობა! გქონდეთ ახლა კვიპროსის 3 ქულა და ვნახოთ, რაში გამოგადგებათ მაგ ჯგუფში, - თქვა ლევან სალუქვაძემ.
წყარო: Lelo
მშვენიერი შედეგი დაიდო, გამოსაჩენი ფეხბურთელები გამოჩნდნენ, კვიპროსის 3 ქულასაც თავისი დანიშნულება ქონდა, თუნდაც ფსიქოლოგიური და კვარაც დაისვენებს თუ ტვინს არ შეუჭამთ და აცლით ცხოვრებას 22 წლის ბიჭს. არუმდა ეს ტრაგედიების შეთხზვა რა
მთავარში კი სალუქვაძე მართალია- ქართულ ფეხბურთის ხელმძღვანელობაში რომ საქმე ისე არაა როგორც უნდა იყოს, აშკარაა, და დასანანია რომ დღეს როვა როგორც იქნა ნამდილად პერსპექტიული თაობა წამოვიდა , შეიძლება ესეც დავკარგოთ- ვაისზე და სანიოლზე უკეთესი მწვრთნელი თუ ვერ მოიძებნა ევროპაში საერთოდ რაზეა ლაპარაკი...მაკედონიასთან ცარიელი ტრიბუნებიც - დღემდე არავის აუხსნია რატომ, როცა უფლება გვქონდა ეს ასე არ ყოფილიყო!
ჯერ ერთი არ გაშინებ , თქვი შენ ეგ აზრი სტადიონზე და გარწმუნებ უამრავი ,,გპი" აგიხსნის ( მეც მოვალ გარწმუნებ ), რომ არა ხარ მართალი , კი არავინ შეგჭამს , დაგარწმუნებთ , რომ არ ხართ მართალი . მოკვეთა არის საკუთარი აზრის გამოთქმა ? მოკვეთა ისეთი რადიკალიზმია , რბილად რომ ვთქვა , მეტი რომ არ შეიძლება . მხატვარს რომ ხატვა აუკრძალო , რადგან მე და შენ ვერ გავიგეთ მისი ნახატის ავ-კარგი , ან მუსიკოსს დააჭრა თითები , რადგან მისდი დაკრული ვერ გავიგეთ , ან იქ არ დაუკრა , ჩვენ რომ ვისურვებDით . ადამიანები არიან კვარაც და მიქაუტაძეც და აქვთ საკუთარი აზროვნების უფლება იმათაც , გაითვალისწინეთ ეგეც . ამის გარდა , ყოველთვის თავის ჭკუაზე ვერ გააკეთებენ ყველაფერს , უამრავ გარემოებაზე არიან დამოკიდებული და ესეც უნდა იცოდეთ და ითვალისწინებდეთ თუ მართლა ,,ბალელშიკი" ხარ ადამიანი . რაც შემეხება მე , ,,ბალელშიკობამნდე" საკმაოდ მაქვს ნათამაშები და ამიტომ მესმის იმ ბიჭების მდგომარეობის .