ერთმანეთზე ლამაზი გოლები - არაბიძემ "ლევადიას" დუბლი შეუსრულა [VIDEO]

სავარაუდოდ მაინც არ გამოიძახებენ ნაკრებში. ამ ბიჭმა ბოლო ორ თამაშში რა გოლებიც გაიტანა, მსგავსი ხარისხის შესრულება ბოლოს რომელი ქართველი ფეხბურთელისაგან გინახავთ? საოცარ ფორმაშია. ვინც თამაშებს უყურა, არ გაჩერებულა, სულ მოძრაობს. დრიბლინგის 90 პროცენტი გამოსდის, თითქმის არ კარგავს ბურთს. პასებშიც უიშვიათესად ცდება. რაღა უნდა გააკეთოს მეტი? უბრალოდ სირცხვილია ამ ადამიანის ნაკრებში არ გამოძახება. დამისახელეთ რომელია დღეს ამაზე უკეთეს სათამაშო ფორმაში? ყველაფრის და მიუხედავად დარწმუნებული ვარ არ გამოიძახებენ მარტის თამაშებზე. ისინი ვინც იძახით ,,იი ვერ დარბის” ,,იი არაბეთში გადადის” ,,მაგის ფეხბურთელობა არ გაიშვა” და ათას სიგიჟეს და სისულელეს, ან საერთოდ ფეხბურთის გაგებაში არ ხართ, ან მიზანმიმართული სიბოროტეები. ფედერაცია და სანიოლი კიდევ ძალიან კარგად ხედავს არაბიძის პოტენციალს და აუცილებლად უნდა განუმარტონ საზოგადოებას გულწრფელად, რატომ უკარგავენ შანსს ნაკრებს და არ იძახებენ არაბიძეს და კიდევ რამოდენიმე კარგ ფეხბურთელს. ამჯერწდაც რომ ვერ გავიდეთ ევროპაზე მერე რაღას ვშვებით? ბ ჯგუფიდან შანსი მცირეა. სანიოლი როგორ აგებს პასუხს? გადადგება? და ჩვენ რა მერე? საქართველო ისევ დაკარგავს შანს და რამდენი წლით ვინ იცის. როდესაც ქვეყანას ეხება საქმე, ყველამ კეთილი ინებოს და პირადი გადადოს გვერდით თუ ასეთი არსებობს და ყველანაირი რესურსი გამოიყენოს წარმატებისათვის. იმაზე დიდი სახელი რა იქნება მათთვის ვიდრე წარმატებით დასრულებული მარტის მატჩები და პირველად საქართველოს ისტორიაში ევროპის ჩემპიონატზე გასვლა? ოქროს ასოებით ჩაეწერებიან ხომ საქართველოს საფეხბურთო ისტორიაში. ამაზე მეტი მოტივაცია რა უნდა ჰქონდეთ უბრალოდ ვერ მესმის.