13:35. "ვალენსიას" მცველი ესეკილ გარაი "სპარტაკს" სურს. 30 წლის არგენტინელი შეფასებულია 25 მილიონ ევროდ და "იუვენტუსს" აინტერესებს.13:37. რონალდ კუმანმა გაამხილა გილფი სიგურდსონთან დაკავშირებული მოლაპარაკებების დეტალები. "ჩვენ თითქმის გავიფორმეთ სიგურდსონი, მაგრამ ლოდინი მოგვიწევს. გარიგება ჯერ დასრულებული არ არის", - თქვა "ევერტონის" მთავარმა მწვრთნელმა.
13:44. ოფიციალურად! "ლიდსმა" იჯარით აიყვანა "მანჩესტერ იუნაიტედიდან" კემერონ ბორტუიკ-ჯექსონი.
13:47. "ბაიერნი" მსხვილი გარიგებისთვის ემზადება. The Sun წერს, რომ "ტოტენჰემი" მიიღებს წინადადებას გერმანიის ჩემპიონისგან ერიკ დაიერის თაობაზე. წყაროს ცნობით, ლონდონელებს შესთავაზებენ 55 მილიონ ევროს.
13:51. ოფიციალურად! ერიკ-მაქსიმ ჩუპო-მოტინგმა
13:56. "ინტერი" მოელაპარაკა "ნიცას" მცველ დალბერტის თაობაზე. Sky Sport Iტალია წერს, რომ ფრანგები 20 მილიონს მიიღებენ.
13:57. "ბარსა" მალე გააძლიერებს დაცვას. Marca წერს, რომ კატალონიელები თითქმის მოელაპარაკნენ "სოსიედადს" ინიგო მარტინესის თაობაზე. ამბობენ, რომ ამ მცველში "ბარსელონა" 32 მილიონ ევროს იხდის.
14:04. Sky Sport Italia წერს, რომ "ლესტერმა" ისევ უარყო "რომას" წინადადება რიად მაჰრეზზე - 35 მილიონი ევრო. თავად ალჟირელს სურს რომში, მაგრამ "ლესტერი" 40 მილიონს ითხოვს.
14:18. L'Equipe-ის ინფორმაციით, ნეიმარის შეძენის შემდეგ "პარი სენ-ჟერმენის" მთავარი სამიზნე "პორტუს" ნახევარმცველი დანილუ პერეირაა.
14:21. "ვალენსიას" სურს "არსენალის" მცველი გაბრიელ პაულისტა. O Jogo წერს, რომ "ღამურების" ახალი მწვრთნელი მარსელინიო დაცვას ცვლის.
14:30. ტიმოტი ფოსუ-მენსა "მანჩესტერ იუნაიტედიდან" "კრისტალ პალასში" გადავიდა. ლონდონურმა კლუბმა 19 წლის ფეხბურთელი სეზონის ბოლომდე იჯარით აიყვანა.
14:43. "იუვენტუსის" მეკარე ალბერტო ბრინიოლი "ბენევენტოში" ითამაშებს. გარიგება ამ შემთხვევაშიც იჯარაა.
14:44. "რომას" ნახევარმცველი კევინ სტროტმანი ძალიან ახლოს არის "იუვენტუსში" გადასვლასთან. Il Messaggero იტყობინება, რომ ტურინელებს უკვე ჰქონდათ კავშირი ჰოლანდიელის აგენტთან. წყაროს ცნობით, გარიგება 45 მილიონი ევრო დაჯდება.
15:05. "იუვენტუსმა" ჩაშალა გარაისთან გარიგება და კაიოზე გადაერთო. "სან პაულუს" მცველმა უფრო ადრე "ზენიტს" უთხრა უარი.
15:15. ოფიციალურად! პრაღის "სპარტამ" დაიმატა "ინტერის" ფეხბურთელი ჯონათან ბიაბიანი. იჯარა სეზონის ბოლომდეა გაფორმებული გამოსყიდვის უფლებით.
15:24. ძალიან უცნაურ ამბავს წერს The Mirror: "პარი სენ-ჟერმენი" ჩაება ფილიპე კოუტინიოსთვის ბრძოლაში. ფრანგული კლუბი გაიმეორებს "ბარსელონას" წინადადებას - 120 მილიონი ევრო.
15:35. ირანელი სერდარ აზმუნი არ დატოვებს "რუბინს" ამ ზაფხულს. ფორვარდი, რომელზეც "ლაციო" და "ლევერკუზენი" აცხადებდნენ პრეტენზიას, ყურბან ბერდიევმა არ გაუშვა.
15:48. პსჟ გაგიჟდა! A Bola წერს, რომ პარიზელებს მოსწონთ "ატლეტიკოს" მეკარე იან ობლაკი და მზად არიან, მასში 100 მილიონი ევრო გადაიხადონ. ცნობილია, რომ ობლაკის აგენტი უკვე ელაპარაკა პსჟ-ს.
16:02. ვესლი სნეიდერი ყველაფერზე მოელაპარაკა "ნიცას" და ჰოლანდიელი თურქეთში გატარებული ოთხი წლის შემდეგ TOP5-ის ერთ-ერთ ჩემპიონატში ბრუნდება. სნეიდერმა ახალ კლუბში მე-10 ნომერი აირჩია.
16:12. ალექს ოქსლეიდ-ჩემბერლენმა "დაალაიქა" პოსტი "ტვიტერზე", სადაც იყო სიახლე მისი გადასვლის შესახებ "არსენალიდან" "ლივერპულში" - 28 მილიონად.
16:31. ოფიციალურად! "ვოლფსბურგმა" შეიძინა "აუგსბურგის" მარჯვენა მცველი პაულ ვერჰაეგი. "მგლებს" ეს ტრანსფერი 1.5 მილიონი ევრო დაუჯდათ. ჰოლანდიელთან კონტრაქტი ორწლიანია.
16:35. "ტოტენჰემი" ჩაება "ვალენსიას" მარჯვენა მცველ ჟოაო კანსელუსთვის ბრძოლაში. Daily Mail წერს, რომ მოთამაშეზე პრეტენზიას აცხადებს "იუვენტუსი". ფეხბურთელი 20 მილიონ ევროდ არის შეფასებული.
16:39. ოფიციალურად! ალეხანდრო დომინგესი "რაიო ვალეკანოში" გადავიდა. კონტრაქტი ერთი წლით გაფორმდა. 36 წლის არგენტინელმა "ოლიმპიაკოსი" თავისუფალი აგენტის სტატუსით დატოვა.
16:50. ოფიციალურად! იოჰან ჯურუმ ორწლიანი კონტრაქტი გააფორმა "ანტალიასფორთან". "არსენალისა" და შვეიცარიის ნაკრების ყოფილმა მცველმა "ჰამბურგი" თავისუფალი აგენტის სტატუსით დატოვა.
17:02. "კრისტალ პალასის" მთავარი მწვრთნელი ფრანკ დე ბური ჰოლანდიელებს იწვევს. Daily Mail წერს, რომ "ეინდჰოვენის" ლიდერი ლუკ დე იონგი ძალიან აინტერესებს დე ბურს.
17:11. ორი სიახლე ფილიპე კოუტინიოზე Sky Sports-ისგან. ჯერ ერთი, ბრაზილიელმა კლუბის ხელმძღვანელობას უთხრა, რომ სურს "ბარსელონაში" გადასვლა, თუ "ლივერპული" მოიწონებს წინადადებას. მეორე: "ბარსელონას" უკვე 18 დღეა არ მიუმართავს "ლივერპულისთვის" - 100 მილიონი ევროს შეთავაზების შემდეგ.
17:29. "ბარსელონამ" აქტიური მოლაპარაკებები დაიწყო პაულინიოსთან დაკავშირებით, რომელიც ადრე "ტოტენჰემში" თამაშობდა, - წერს Independet. "გუანგჯოუ ევერგრანდის" ფეხბურთელი 15 მილიონი ევრო ღირს.
17:42. "ბარსელონასა" და "პარი სენ-ჟერმენს" შორის, შესაძლოა, გაცვლის მსგავსი განხორციელდეს. Bild-მა დაწერა, რომ იულიან დრაქსლერის აგენტი ბარსელონაში შეამჩნიეს. წყარო იტყობინება კატალონიელთა ინტერესის შესახებ გერმანელის მიმართ.
17:52. "პორტუს" მცველი ბრუნო მარტინშ ინდი "სტოკში" გადადის. Sky Sports წერს, რომ პორტუგალიური კლუბი 25 წლის ჰოლანდიელისთვის 8.5 მილიონი ევროს ოდენობის კომპენსაციას მიიღებს.
18:01. ოფიციალურად! "ბრაიტონმა" საკუთარი სატრანსფერო რეკორდი გააუმჯობესა - "ეინდჰოვენიდან" 11 მილიონ ევროდ შეიძინა დეივი პროპერი. კონტრაქტი ოთხწლიანია.
18:09. ხავი გარსია "ბეტისში" გადავა 1.5 მილიონ ევროდ. "ზენიტი" განიხილავს ესპანელთა წინადადებას, მაგრამ რისკავს ხავის უფასოდ დაკარგვას.
18:12. მადრიდის "რეალის" მეკარე რუბენ იანესი კლუბიდან მიდის. As წერს, რომ გოლკიპერის ახალი კლუბი "კადისი" ფეხბურთელს უფასოდ მიიღებს. იანესმა "რეალში" სულ 14 წუთი ითამაშა.
18:42. As-ის ინფორმაციით, "ჩელსი" ფიქრობს გარეთ ბეილის ტრანსფერზე მას შემდეგ, რაც ანტონიო კონტემ მოსთხოვა ბოსებს - მეტი შენაძენი გვჭირდებაო.
17:14. ჟოზე მოურინიომ დიდი ამბები წამოიწყო გარეთ ბეილთან დაკავშირებით. "თუ ის ხვალ, სუპერთასზე ითამაშებს, გამოდის, რომ "რეალს" სჭირდება. თუ არა - დაველოდებით მას მეორე მხარეს. ასე რომ, თუ ბეილი არ შედის "რეალის" გეგმებში, ვიბრძოლებ მის გამო სხვა მენეჯერებთან, რომლებსაც გარეთის შეძენა სურთ", - თქვა პორტუგალიელმა. ცნობისთვის, ბეილი 80 მილიონი ღირს.
19:34. The Mirror გვახსენებს, რომ "პარი სენ-ჟერმენი" უარს არ იტყოდა კილიან მბაპეს შეძენაზე და იბრძოლებდა "რეალთან" მის გამო. გარიგება 195 მილიონ ევროდ არის შეფასებული.
20:02. ოფიციალურად! რაშიდ ღეზალი "ლიონიდან" "მონაკოში" გადავიდა. ფეხბურთელი თავისუფალი აგენტი იყო და "მონაკოს" 20 მილიონი ევრო დაუზოგა. ახალ კლუბთან რაშიდმა 2021 წლამდე გააფორმა კონტრაქტი.
20:15. ვირჯილ ვან დეიკმა ოფიციალურად მოითხოვა ტრანსფერი და პრესაში განცხადება გააკეთა. "სამწუხაროდ, უნდა განვაცხადო, რომ დღეს ტრანსფერი მოვთხოვე "საუთჰემპტონს". სხვა ალტერნატივას ვერ ვხედავ მას შემდეგ, რაც ორი კვირის ხელფასით დამაჯარიმეს. დარწმუნებული ვარ, რომ არასამართლიანად დამსაჯეს. კლუბი არ მოქმედებს ადეკვატურად. ექვსი თვე ვთხოვდი მმართველი საბჭოს წევრებს, ყოფილ და ახალ მწვრთნელს, რომ წასვლა მინდოდა ახალი გამოწვევის მისაღებად". ვან დეიკზე მთავარი პრეტენდენტი - "ლივერპულია".
20:49. ალექსის სანჩესი შეეგუა თავის ბედს. Daily Mirror წერს, რომ ჩილელი ითამაშებს კონტრაქტით გათვალისწინებულ ბოლო სეზონს "არსენალში".
20:56. "არსენალი" გაყიდის რამდენიმე ფეხბურთელს იქამდე, სანამ ახლებს შეიძენს. ამჟამად, ლონდონელთა ძირითად შემადგენლობაში 33 ფეხბურთელია. "ძალიან ბევრი ფეხბურთელი გვყავს. რამდენიმე ბიჭს გავუშვებთ. ძალიან დიდი კონკურენცია ძირითადში ადგილისთვის - საზიანოა, მაგრამ დეფიციტიც არ ივარგებს", - განაცხადა ვენგერმა. ამ ზაფხულს "არსენალს" ორი შენაძენი ჰყავს - ალექსანდრ ლაკაზეტი და სიდ კოლაშინაცი.
21:35. კიევის "დინამოს" მცველი დომაგოი ვიდა დატოვებს კლუბს მას შემდეგ, რაც ჩემპიონთა ლიგიდან გავარდა. "ბეშიქთაში" აპირებს ხორვატის თავის რიგებში დაბრუნებას.
21:37. Sky-ს წყარო წერს, რომ "საუთჰემპტონმა" უარყო ვან დეიკის სატრანსფერო მოთხოვნა. კლუბი ირწმუნება, რომ მცველი არანაირ პირობებში არ იყიდება.
