29 წლის თორნიკე გორგიაშვილი თბილისის "საბურთალოს" ფეხბურთელი გახდა.ბოლოს გორგიაშვილი საჩხერის "ჩიხურას" შემადგენლობაში ასპარეზობდა, დედაქალაქურ გუნდთან კი 2-წლიან ხელშეკრულებას მოაწერა ხელი.
კლუბის აღმასრულებელმა დირექტორმა კახა კაშიამ და ახალწვეულმა კონტრაქტს დღეს მოაწერეს ხელი.
გორგიაშვილი 2009-10 წლების სეზონიდან 2013-14 წლებში "ზესტაფონში" ირჯებოდა, სადაც 2-ჯერ ქვეყნის ჩემპიონი, ერთხელაც სუპერთასის გამარჯვებული გახდა. 2013-14 წლების სეზონზე კი უკვე თბილისის "დინამოს" შემადგენლობაში მოახერხა ჩემპიონობა და თასის მოპოვება. ამის შემდეგ კი "სამტრედიაში", "ცხინვალსა" და "ჩიხურაში" თამაშობდა.
წლევანდელ ეროვნულ ლიგაში გორგიაშვილმა 29 მატჩი ჩაატარა და 3-ჯერ აიღო მეტოქის
ამასთან ერთად, "საბურთალოს" ფეხბურთელმა დაჩი ცნობილაძემ თბილისურ კლუბთან კონტრაქტი გაახანგრძლივა და 2018 წელს კვლავ დედაქალაქელთა შემადგენლობაში ითამაშებს.
ამპლუით მცველი უკვე ერთი წელია "საბურთალოში" თამაშობს. ამ ხნის განმავლობაში 23 წლის ფეხბურთელმა ქალაქელთა შემადგენლობაში 28 მატჩი ჩაატარა და 3 გოლის გატანა მოახერხა.
წყარო: "საბურთალოს" "ფეისბუქგვერდი"
![ეროვნული ლიგა. XXX ტური. "ტორპედო" - "საბურთალო" [LIVE]](/pictures/image7/fe95d5f15fbb87dc59268ad75bf2a8c7.png "ეროვნული ლიგა. XXX ტური. \"ტორპედო\" - \"საბურთალო\" [LIVE]")
![ეროვნული ლიგა. XXVIII ტური. "ლოკომოტივი" - "საბურთალო" [LIVE]](/pictures/image7/52ba319a58928778cd09abfb71efffb1.png "ეროვნული ლიგა. XXVIII ტური. \"ლოკომოტივი\" - \"საბურთალო\" [LIVE]")
