"ევერტონის" ფეხბურთელი უეინ რუნი ამერიკულ "დი სი იუნაიტედში" გადავიდა.ამის შესახებ ინფორმაცია "ტვიტერში" აშშ-ის კლუბის ოფიციალურმა გვერდმა გაავრცელა.
32 წლის რუნი "დი სი იუნაიტედში" 9-ნომრიანი მაისურით ითამაშებს.
არაოფიციალური ინფორმაციით, ინგლისელი ფეხბურთელი წელიწადში ხელფასის სახით 13 მლნ დოლარს მიიღებს.
ამჟამად "დი სი იუნაიტედი" MLS-ის ჩემპიონატის აღმოსავლეთ კონფერენციაში ბოლო ადგილზე იმყოფება.
