გთავაზობთ 19 აგვისტოს სატრანსფერო სიახლეებს:
La Gazzetta dello Sport-ის მიხედვით, კილიან მბაპე პსჟ-ის პრეზიდენტ ნასერ ალ-ჰელაიფის ესაუბრა. მიუხედავად ფრანგის სურვილისა, გუნდის პრეზიდენტი კლუბიდან წასვლის უფლებას არ აძლევს. ის აიძულებს ახალგაზრდა ვარსკვლავს, რომ გუნდი 2022 წლის სატრანსფერო ფანჯრის დროს უფასოდ დატოვოს. ფლორენტინო პერესს, რა თქმა უნდა, სუპერვარსკვლავის უსასყიდლოდ გადაბირება ურჩევნია, თუმცა მარტინ ედეგორის წასვლის შემთხვევაში ესპანური მხრიდან შესაძლოა აგვისტოს ბოლომდე ოფიციალური წინადადებით ვიხილოთ.
"ელჩემ" დარიო ბენედეტო იყიდა. ფორვარდმა "მარსელში" გატარებული 2 სეზონის შემდეგ ლა ლიგაში თამაში გადაწყვიტა.
"ბარსელონას" ნახევარმცველი მირალემ პიანიჩი
რონალდ კუმანის გეგმებში არ შედის. ამრიგად, ნიკოლას შირას თქმით, ფეხბურთელი, დიდი ალბათობით, უკან, "იუვენტუსში" დაბრუნდება.
ფაბრიციო რომანოს მტკიცებით, ემერსონ პალმიერი კარიერას "ლიონში" განაგრძობს. მას შემდეგ, რაც ფეხბურთელი სამედიცინო შემოწმებას გაივლის, ფრანგული კლუბი სპორტსმენს ოფიციალურად გაიფორმებს.
გასულ სეზონში "უესკაში" წარმატებული გამოსვლის შემდეგ რაფა მირის საკუთარ გუნდში ხილვა არაერთ გუნდს სურს. როგორც ჩანს, საქმეში "სევილიაც" ჩაერთო. შეგახსენებთ, ესპანელი ფეხბურთელის ტრანსფერით მადრიდის "ატლეტიკოცაა" დაინტერესებული.
იტალიის დედაქალაქში შესაძლოა მოულოდნელი ტრანსფერი შედგეს. როგორც ჩანს, ჟოზე მოურინიოს "რომადან" პედროს გაშვება სურს. La Gazzeta Dello Sport-ის მიხედვით, ფეხბურთელის ყიდვა მაურისიო სარისა და "ლაციოს" გეგმებშია.
Sky Sports-ის თანახმად, რობერტ ლევანდოვსკის მიუნხენის "ბაიერნის" დატოვება და ახალ გამოწვევებთან ჭიდილი სურს. ბავარიელები პოლონელი ვარსკვლავის სანაცვლოდ 100 მილიონ ფუნტს მოითხოვენ. უცნაურია, მაგრამ ის მოწყენილია, რადგან კლუბთან ერთად ყველაფერს იგებს. სწორედ ამიტომ, დიდებულების დასამტკიცებლად თავდამსხმელს ახალი გამოწვევა სჭირდება.
ტონი კროოსის თქმით, პსჟ-ის ხელმძღვანელობას ლიონელ მესის ყიდვის შემდეგ კილიან მბაპეს გაყიდვა გაუმარტივდება.
"მესის გუნდიდან წასვლა ჩვენთვის კარგია, რადგან ჩვენი მოწინააღმდეგის შემადგენლობაში საუკეთესო ფეხბურთელი აღარ იასპარეზებს. ამასთან ერთად, დიდი ალბათობით, პარიზელებს მბაპეს გასხვისება თავისუფლად შეეძლებათ, ის კი, სავარაუდოდ, ჩვენ შემოგვიერთდება".
მომზადებულია marca-ს მიხედვით
17 აგვისტოს სატრანსფერო სიახლეები
