ჩემპიონთა ლიგის პირველ ნახევარფინალურ მატჩში "ბარსელონასთან" წაგება 0:3 "ლივერპულის" მენეჯერმა იურგენ კლოპმა შემდეგნაირად ახსნა.
"ასეთია ფეხბურთი, ის გოლების გატანაში მდგომარეობს. "ბარსამ" სამი გაიტანა, ჩვენ კი - არც ერთი. ბიჭები კარგად უტევდნენ, ბოლომდე დაიხარჯნენ, თუმცა "ბარსელონას" გამარჯვებისთვის რამდენიმე შეტევა ჰყოფნის.
ჩემი გუნდის თამაშით კმაყოფილი ვარ, შედეგით - არა. მძიმე მარცხი განვიცადეთ. არც ვიცი, შეგვიძლია თუ არა ამაზე გაცილებით უკეთ ასპარეზობა.
ჩვენ დიდი გული გვაქვს. ისევ შევუტევთ, ასეთია გეგმა. რა თქმა უნდა, კარგ ხასიათზე არ ვართ. გაკვეთილი მივიღეთ და დასკვნების გამოტანა გვმართებს.
სამ დღეში "ნიუკასლს" ვხვდებით და მომზადებაა საჭირო", - ციტირებს კლოპს BT Sport-ი.
![alt](/pictures/image50/ade132e63a4c91dad2cea2f860297d09.jpg "იურგენ კლოპი: ფეხბურთი გოლია, "ბარსელონამ" სამი გაიტანა, ჩვენ - არც ერთი")
იურგენ კლოპი: ფეხბურთი გოლია, "ბარსელონამ" სამი გაიტანა, ჩვენ - არც ერთი
![სრული ფიასკო - "რეალი" სახლში "ბარსელონასთან" განადგურდა [VIDEO]](/pictures/image7/20f7a7110c8538351d152e914dfc4380.jpg "სრული ფიასკო - \"რეალი\" სახლში \"ბარსელონასთან\" განადგურდა [VIDEO]")
