"ლანჩხუთმა" თბილისში უშანსოდ წააგო. გაბუნიამ მეტოქის დარტყმული 21-ჯერ მოიგერია

დღეს, ქალთა ჩემპიონთა ლიგის 1/16-ფინალურ მატჩში, თბილისში "ლანჩხუთმა" "როზენგარდს" უმასპინძლა და უშანსოდ, 0:7  წააგო. 

მატჩამდეც აშკარა იყო, რომ მეტოქე გაცილებით ძლიერი იყო დებიუტანტებზე, თუნდაც იმით, რომ შვედური კლუბი ჩემპიონთა ლიგის 16 საუკეთესო კლუბს შორის 3-ჯერ არის მოხვედრილი, რაც, რა თქმა უნდა, ძალიან დიდი შედეგია.

პირველ ტაიმში მოწინააღმდეგემ 0:6 გაიმარჯვა, მაგრამ მეორე ნახევარში მასპინძელთა მეკარე გაბუნია მოწოდების სიმაღლეზე გახლდათ.

"ლანჩხუთის" მეკარეს დღევანდელ მატჩში 21 სეივი ჰქონდა. 

თბილისი, "მიხეილ მესხის სტადიონი 2"

"ლანჩხუთი" - "როზენგარდი" - 0:7

გოლები: 0:1 სანკოვიჩი (7), 0:2 კეინრიდი (18), 0:3 ანვეგარდი (19), 0:4 ტროლსგარდი (27), 0:5 ბენისონი (28), 0:6 ვიგოსდოტირი (33), 0:7 სეგერი (74), 

"ლანჩხუთი" - გაბუნია, გუჯაბიძე, ჩხარტიშვილი, კალანდაძე, ნარსია (სალუქვაძე 75), გასვიანი, თოდაძე, დანელია (კახიძე 88), ალეიშვილი, დიმოპულუ (წოწელია 59), ჭყონია. 

"როზენგარდი" - მუსოვიჩი, ვიგოსდოტირი, ლევენსტადი, ბიორნი, სვავა, ბენისონი, სეგერი, ტროლსგარდი (კრისტელი 85), კეინრიდი, ანვეგარდი, სანკოვიჩი (პერსონი 85). 

განმეორებითი შეხვედრა 16 დეკემბერს, შვედეთში გაიმართება. 

"დახეული ბუცებით თამაშობდა ერთი გუნდელი, 4 თვის ხელფასი არ მოუციათ" - "ლანჩხუთის" ფეხბურთელები [VIDEO]