მადრიდში დასრულებული მატჩის შემდეგ (1:1) „ჩელსი“ უკეთეს სიტუაციაში იმყოფებოდა. „რეალს“ ტრავმამორჩენილი რამოსი დაუბრუნდა და გასვლაზე გამარჯვების იმედი ჰქონდა. 26-ე წუთზე ბენზემას გოლის გატანა მეკარე მენდიმ არ დაანება, საპასუხო იერიშისას კი მასპინძლებმა „გერმანული გოლი“ გაიტანეს - ჰავერცის დარტყმული ბურთი ხარიხას მოხვდა, დამატებაზე კი ვერნერს ხელი არავინ შეუშალა. მან ტურნირზე ნოემბრის შემდეგ პირველად დალაშქრა მეტოქის კარი და 7-მატჩიანი უგოლო სერია შეწყვიტა. 35-ე წუთზე მენდიმ „არისტოკრატები“ კიდევ ერთხელ გადაარჩინა, ისევ ბენზემას არ გაატანინა და ტუხელის გუნდმა პირველი ტაიმი 1:0 მოიგო.
შესვენების შემდეგ „ჩელსიმ“ აქტიურად შეუტია. ჯერ ჰავერცმა თავურით ბურთი ხარიხას გაარტყა, მერე მაუნტმა, ჰავერცმა და კანტემ კარგი შანსები ვერ გამოიყენეს. მოკლედ, ერთი გუნდი უფრო მეტად უტევდა, ხოლო მეორე სწრაფი კონტრიერიშებისას მომენტებს ანიავებდა. თუმცა ბოლოს მაუნტმა მაინც გაიტანა და ყველაფერი დასრულდა.
![alt](/pictures/image50/eed66dc4709663754a0f23b6d8b13fe1.jpg "ჩემპიონთა ლიგა. 1/2 ფინალი. ტუხელის მანქანამ "რეალი" დაჯაბნა და ინგლისური ფინალი გველის [VIDEO]")
აზარი "ჩელსისთან" წაგების შემდეგ სიცილისგან კინაღამ ჩაბჟირდა29 მაისს სტამბოლში, ფინალში, ერთმანეთს "ჩელსი" და "მანჩესტერ სიტი" დაუპირისპირდებიან.
ლონდონი. "სტემფორდ ბრიჯი"
ჩელსი - რეალი 2:0
გოლები: 1:0 ვერნერი (27), 2:0 მაუნტი (85)
- "რეალი" რონალდოს წასვლის შემდეგ ზედიზედ მესამე სეზონში ვერ გავიდა ფინალში.
- ტუხელი პირველი მწვრთნელია, რომელიც ორი სხვადასხვა გუნდით მიჯრით მეორედ გავიდა ფინალში.
- ტუხელის და ზიდანის გაწვრთნილი გუნდები ერთმანეთს 6-ჯერ შეხვდნენ და უპირატესობა გერმანელის სასარგებლოდაა - 4 მოგება და 2 ფრე.
- პრემიერლიგის გუნდები ბოლო სამ სეზონში მეორედ შეხვდებიან ფინალში.
- "ჩელსის" მეკარე მენდიმ ამ სეზონში ტურნირზე 8 მატჩში არ გაუშვა გოლი.
![alt](/pictures/image50/f09e304aea370446d1b1ab76315b1fc8.jpg "ჩემპიონთა ლიგა. 1/2 ფინალი. ტუხელის მანქანამ "რეალი" დაჯაბნა და ინგლისური ფინალი გველის")
[PREVIEW] ინგლისური ფინალი თუ "სამეფო კლუბის" მორიგი ტიტულისთვის ბრძოლა?
