"ბარსელონას" 21 წლის მცველი მარლონ სანტოსი "ნიცაში" გადავიდა. ახალგაზრდა ბრაზილიელი ფეხბურთელი საფრანგეთის ჩემპიონატში მომდევნო 2 წლის განმავლობაში იჯარით ითამაშებს.
2018 წლის ზაფხულში "ბარსელონას" ფეხბურთელის დაბრუნების უფლება ექნება, 2019 წელს კი, "ნიცას" მისი 20 მილიონ ევროდ გამოსყიდვა შეეძლება.
მარლონ სანტოსი "ბარსელონაში" 2016 წელს, "ფლუმინენსედან" იჯარით გადავიდა. მან თავი "ბარსა ბ"-შიც გამოიჩინა და გასული სეზონის მიწურულს, პირველ გუნდშიც იყოჩაღა, რის შემდეგაც კატალონიელებმა ფეხბურთელის გამოსყიდვა გადაწყვიტეს.
