სერხიო რამოსი: მათამაშეთ ის ფეხბურთი!..

"რეალის" მცველმა სერხიო რამოსმა ლა ლიგის მომსახურე არბიტრებს მიმართა და სთხოვა, მისცენ იმ ფეხბურთის თამაშის საშუალება, რომელიც მას უყვარს. გარდა ამისა, რამოსმა "დორტმუნდთან" მოგებულ შეხვედრაზეც ილაპარაკა.

"ჩვენ ჩვენი საუკეთესო თამაში ვაჩვენეთ. ვიცოდით, რომ ეს იყო კარგი შანსი, აქ ხომ არასოდეს მოგვეგო. ეს სტადიონი მძიმე ადგილია ჩვენთვის. ამას ემატება გულშემატკივრების მიერ შექმნილი ატმოსფერო. თამაშის პირველი წუთიდანვე დომინანტები ვიყავით და ეს არის ის გზა, რომელსაც ჩვენ უნდა მივყვეთ მომავალში...

...მიზანს კი ერთადერთ შემთხვევაში მივაღწევთ: იგნორირება უნდა გავუკეთოთ იმას, რასაც ამბობენ ჩვენზე და კიდევ უფრო უკეთესი გავხადოთ ჩვენი თამაში. რთულია, როცა ლამის ყოველ მესამე დღეს გიწევს მოედანზე გასვლა. გვინდა, დავიბრუნოთ ის ხარისხი, რომელიც გვქონდა და ამას შევძლებთ...

...კრიშტიანო და ბეილი? ბედნიერებაა, როცა ასეთი შემტევები გყავს. ისინი გუნდის ნაწილები არიან და გოლების გარდა, დაცვაშიც ძალიან ბევრს გვეხმარებიან.

...0:0-ზე ხელით ვითამაშე? ბურთი ჩემთან ძალიან სწრაფად მოვიდა, დიახ, შემეხო, მაგრამ ამას ეპიზოდზე გავლენა არ მოუხდენია. ნავასმა გადაგვარჩინა. არ მიყვარს მსაჯებზე ლაპარაკი, თუმცა ფაქტია, რომ ჩემპიონთა ლიგაში უფრო მეძლევა იმ თამაშის ჩვენების საშუალება, რომელიც მიყვარს", - თქვა რამოსმა.

ყოველდღიური სპორტული გაზეთი "ლელო"