ესპანური "მარკას" მიერ გავრცელებული ინფორმაციით, კრიშტიანო რონალდო თავის თანაგუნდელებს დაენაძლევა, რომ ლიონელ მესის პიჩიჩისთვის (ესპანეთის ჩემპიონატის ბომბარდირი) ბრძოლაში დაამარცხებდა. ეს კი მაშინ მოხდა, როდესაც არგენტინელი პორტუგალიელს 13 ბურთით უსწრებდა. ახლა კი სხვაობა მხოლოდ 3 გოლია.
კრიშტიანოს სეზონის სტარტი ჩაუვარდა, თუმცა 2018 დასაწყისიდანვე საქმეს მიხედა და მატჩების უმეტესობაში მინიმუმ დუბლს ასრულებს.
გუშინდელ შეხვედრაში "ხირონასთან" მან სულაც პოკერი მიითვალა. მესის ანგარიშზე 25 გატანილი ბურთია, რონალდომ მეტოქე გუნდის მეკარეები კი 22-ჯერ დაამწუხრა.
