ლა ლიგას მორიგ ტურში "ვალენსიას" დამარცხების (2:1) შემდეგ კომენტარი "ბარსელონას" თავდამსხმელმა ლუის სუარესმა გააკეთა:"ჩემპიონთა ლიგაზე განცდილი წარუმატებლობის მერე კარგი მატჩის ჩატარებას შევეცადეთ. 3 ქულა მოვიპოვეთ. ესაა მთავარი. მიზნისაკენ კიდევ ერთი ნაბიჯი გადავდგით. ჩინებული უპირატესობა გვაქვს, მაგრამ ახლა შემდეგ შეხვედრაზე ფიქრი გვმართებს.
ვერ ვიყავით ხასიათზე და სწრაფი გოლის გატანა გვესაჭიროებოდა. დაუმარცხებელი სერია? რეკორდები ემხობა. ვიცით, გულშემატკივრები უკმაყოფილოები არიან, ჩვენც გვიჭირს. იქმნება შთაბეჭდილება, თითქოს ჩემპიონობა არაფერს არ ნიშნავს".
ცნობისათვის, 99 787-ადგილიან "კამპ ნოუზე" გამართულ ამ თამაშს 69 544 მაყურებელი დაესწრო.
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
