"უესკას" ამ თამაშამდე ლა ლიგას საგზური უკვე მოპოვებული ჰქონდა, "ხიმნასტიკი" კი სეგუნდაზე ადგილის შესანარჩუნებლად იბრძვის და შეხვედრის დაწყებამდე სტუმრებმა მასპინძლებს საჩემპიონო დერეფანი მოუწყვეს.
AS-ი El Confidencial-ზე დაყრდნობით იუწყება, რომ მატჩის დაწყებამდე საათნახევრით ადრე ანომალურად დიდი რაოდენობით ფსონების დადება დაიწყო უკრაინიდან, შესვენებისას კი აზიის ქვეყნებიდან.
ფსონები ძირითადად პირველი ტაიმის 0:0-ზე და მატჩის ტარაგონული გუნდის მინიმალური ანგარიშით გამარჯვებაზე დაიდო, რაც გამართლდა. ერთადერთი გოლი "ხიმნასტიკმა" 72-ე წუთზე გაიტანა.
El Confidencial-ი ეთიკისა და პატიოსანი თამაშის კომიტეტის თავკაცს ფრანჩესკო ბარანკას დაუკავშირდა, რომელმაც დაადასტურა ამ მატჩზე გაკეთებული ფსონების ანომალურობა. დასახელდა ქალაქები, სადაც ეს ფსონები დაიდო: კიევი, პოლტავა, ნიკოლაევი, ხარკოვი, ოდესა და ბუნებაში არარსებული კროსროსტენი.
თურმე, თამაშის მიმდინარეობისას 30-მა საბუქმეიკერო კანტორამ ფსონების მიღება შეწყვიტა.
კაკაბაძე "უესკასთან" მატჩის საუკეთესო ფეხბურთელად დაასახელეს. მისი გუნდი 2 ივნისს პირველადგილოსან "ვალიადოლიდს" მასპინძლობს, რომელსაც გარანტირებული აქვს პრიმერას საგზური და მოგების შემთხვევაში, "ხიმნასტიკი" ესპანეთის რანგით მე-2 დივიზიონში ადგილს ინარჩუნებს.
![ნახეთ როგორი ჩინებული გოლი გაიტანა კაკაბაძემ პოლონეთის ჩემპიონატში [VIDEO]](/pictures/image7/e0a1fa67e8d7fd7114f6a361fc12e044.jpg "ნახეთ როგორი ჩინებული გოლი გაიტანა კაკაბაძემ პოლონეთის ჩემპიონატში [VIDEO]")
![გოლი და საგოლე პასი - შეცვლაზე შესულმა კაკაბაძემ "კრაკოვიას" თამაში შემოატრიალებინა [VIDEO]](/pictures/image7/ae75c79115baaa9940b6916007e66106.jpg "გოლი და საგოლე პასი - შეცვლაზე შესულმა კაკაბაძემ \"კრაკოვიას\" თამაში შემოატრიალებინა [VIDEO]")
