ლა ლიგა. IV ტური: ლიგა, როგორც მთვარის მოქცევა [VIDEO]

კარს მომდგარმა ჩემპიონთა ლიგამ პირველი კორექტივები შეიტანა ესპანეთის ჩემპიონატში.

ესპანურმა გრანდებმა ექსპერიმენტებს მიმართეს და ბეწვის ხიდზე გაიარეს.

ზოგისთვის ეს წარმატებული გამოდგა (ბარსელონა), ზოგი კი ლიგას ცუდ ხასიათზე ხვდება (ატლეტიკო, ვალენსია და რეალი).

ოთხივე თავკაცმა ექსპერიმენტებს მიმართა, მაგრამ ბეწვის ხიდზე მხოლოდ ერნესტო ვალვერდემ გაიარა.

"ბარსას" თავკაცმა სამშობლოში სკამიდან დააწყებინა ბუსკეტსს, ვიდალსა და კოუტინიოს - შედეგად, ლეო მესიმ და მთლიანად გუნდმა ამ სეზონში უცუდესი ტაიმი ითამაშეს. კატალონიელებს გაუმართლათ, როცა უსმან დემბელეს დარტყმული გზად ორ მცველს მოხვდა და "სოსიედადის" კარში შევარდა.


პრინციპში, გაუმართლა ხულიენ ლოპეტეგისაც. რომ არა შეცვლაზე შესული ისკო, ის ლა ლიგაში პირველ თამაშს წააგებდა. ასე არ მოხდა, თუმცა, აუხსნელია, რატომ არჩია კაზემიროს მან დანი სებალიოსი.


დიეგო სიმეონეს ერთმა ექსპერიმენტმა ნამდვილად გაუმართლა - 19 წლის დებიუტანტმა ბორხა გარსესმა გუნდს შინ ქულა გადაურჩინა "ეიბართან" მატჩში. "ატლეტიკო" საშინელ ფორმაშია, ისევე, როგორც "ვალენსია", რომელმაც "ბეტისთან" 0:0 ითამაშა "მესტალიაზე", მაგრამ, წესით, უნდა წაეგო.


ტურის ფაქტები

• "რაიო ვალეკანომ" საჯარიმოს გარედან პირველი გოლი გაიტანა სეზონში.
• ბორხა გარსესმა "ატლეტიკოს" 50-ე გოლი გაიტანა "ვანდა მეტროპოლიტანოზე".
• 4 ტურში 5 ქულა ყველაზე ცუდი სტარტია "ატლეტიკოსთვის", რაც გუნდს დიეგო სიმეონე წვრთნის.
• გასულ და წლევანდელ სეზონებში "ბარსამ" 23 ქულა მოიპოვა ისეთ თამაშებში, რომლებსაც აგებდა. ყველაზე მეტი ლა ლიგაში.
• ამ სეზონში უსმან დემბელემ პირადად 4 ქულა მოუტანა "ბარსელონას".
• ლიონელ მესი (ბარსელონა) პირველ ტაიმში 31-ჯერ შეეხო ბურთს და არც ერთხელ მეტოქის საჯარიმოში.
• ისკომ (რეალი) მოედანზე გასვლიდან 2 წუთსა და 56 წამში გაიტანა. მეორე ყველაზე სწრაფი გოლი შეცვლაზე ამ სეზონში.
• იკერ მუნიაინის გოლის კომბინაცია 26 წამი გაგრძელდა. "ატლეტიკის" ფეხბურთელებმა 11 პასი გააკეთეს და კომბინაციაში 8 ფეხბურთელი მონაწილეობდა.
• კარლოს ბაკა (ვილიარეალი) მეორე კოლუმბიელია რადამელ ფალკაოს შემდეგ, რომელმაც ლა ლიგაში 50 გოლის გატანა მოახერხა.
• "ლეგანესი" ლა ლიგის პირველი გუნდია, რომელმაც ამ სეზონში პენალტი ვერ გამოიყენა.
• "ვალიადოლიდის" მატჩებში მხოლოდ 2 გოლი გავიდა სეზონში, რაც ევროპის ტოპ-5 ჩემპიონატში ყველაზე ცოტაა.
• სერხიო გარსიამ (ესპანიოლი) "ლევანტეს" კარში ლა ლიგაში 4 გოლი გაიტანა.

ლა ლიგა. IV ტური
უესკა-ვალეკანო 0:1
გოლი: 0:1 იმბულა (29)

ატლეტიკო-ეიბარი 1:1
გოლები: 0:1 ენრიჩი (87), 1:1 ბორხა გარსესი (90+3)
ატლეტიკო (4-4-2): ობლაკი - ხუანფრანი, ხიმენესი, გოდინი, ფილიპე ლუიში - კოკე, როდრი (71. ბორხა გარსესი), საულ ნიგესი, ლემარი (59. ა. კორეა) - დიეგო კოშტა, გრიზმანი

სოსიედადი-ბარსელონა 1:2
გოლები: 1:0 ელუსტონდო (12), 1:1 ლ. სუარესი (63), 1:2 დემბელე (66)
ბარსელონა (4-3-3): ტერ შტეგენი - სემედუ (46. კოუტინიო), პიკე, უმტიტი, ალბა - სერხი რობერტო, რაკიტიჩი, რაფინია (57. ბუსკეტსი) - მესი, ლ. სუარესი, დემბელე (77. არ. ვიდალი)

ვალენსია-ბეტისი 0:0
ვალენსია (4-4-2): დომენეკი - პიჩინი, დიაქაბი, გაბრიელ პაულისტა, გაია - ფ. ტორესი (63. გედეში), პარეხო, კონდოგბია (14. ვასი), ჩერიშევი (77. ბაჩუაი) - გამეირო, როდრიგო

ბილბაო-რეალი 1:1
გოლები: 1:0 მუნიაინი (32), 1:1 ისკო (63)
რეალი (4-3-3): კურტუა - კარვახალი, ვარანი, სერხიო რამოსი, მარსელო - სებალიოსი (46. კაზემირო), კროოსი, მოდრიჩი (61. ისკო) - ბეილი (75. ლუკას ვასკესი), ბენზემა, ასენსიო

ლეგანესი-ვილიარეალი 0:1
გოლი: 0:1 ბაკა (65)
გამოუყენებელი პენალტი: კარილიო (49. ლეგანესი)

ესპანიოლი-ლევანტე 1:0
გოლი: 1:0 ს. გარსია (52)

ვალიადოლიდი-ალავესი 0:1
გოლი: 0:1 იბაი გომესი (90+3)

სევილია-ხეტაფე 0:2
გოლები: 0:1 ანხელი (4), 0:2 ანხელი (38)
სევილია (3-4-2-1): ვაჩლიკი - ნიანონი, კიაერი, გომეს სოლა - ალ. ვიდალი (69. პრომესი), მესა (46. ბენ იედერი), ბანეგა, ხესუს ნავასი - სარაბია, ნოლიტო (46. ფ. ვასკესი) - ანდრე სილვა

ორშაბათი. 17 სექტემბერი
ჟირონა-სელტა 23:00

ბომბარდირები: 4 - ქარიმ ბენზემა (რეალი), ლიონელ მესი (ბარსელონა).

მომდევნო ტური
21 სექტემბერი: უესკა-რეალ სოსიედადი
22 სექტემბერი: რაიო ვალეკანო-ალავესი, სელტა-ვალიადოლიდი, ეიბარი-ლეგანესი, ხეტაფე-ატლეტიკო, რეალი-ესპანიოლი
23 სექტემბერი: ლევანტე-სევილია, ვილიარეალი-ვალენსია, ბეტისი-ბილბაო, ბარსელონა-ჟირონა

ნიკოლოზ ნეფარიძე
(იბეჭდება მცირე ცვლილებით)
ყოველდღიური სპორტული გაზეთი "ლელო"