23 ნოემბერს, ლა ლიგას მე-14 ტურში "რეალმა" "სოსიედადი" 3:1 დაამარცხა.
"რეალმა" ყველა ტურნირზე 6 მატჩიდან 5 საერთო ანგარიშით 19:1 მოიგო - მხოლოდ "ბეტისს" დაუზავდა (0:0).
"რეალმა" და "ბარსელონამ" 28-28 ქულა დააგროვეს და პირველ-მეორე ადგილებს იყოფენ. მესამე პოზიციაზე მყოფ "ატლეტიკოს" 25 ქულა აქვს. თანაც, ლიდერებმა 1 მატჩით ნაკლები ჩაატარეს.
თავდამსხმელმა კარიმ ბენზემამ ბოლო 3 შეხვედრაში 5-ჯერ დალაშქრა მეტოქეთა კარი - სულ ამ სეზონში მის ანგარიშზე ლა ლიგას 12 მატჩში 10 გოლია.
ფორვარდი გარეთ ბეილი 67-ე წუთზე შევიდა შეცვლაზე - მან ბოლოს თავის გუნდში 5 ოქტომბერს ითამაშა "გრანადასთან".
ნახევარმცველმა ლუკა მოდრიჩმა გოლი და 2 საგოლე გადაცემა მიითვალა - ხორვატმა 1 მატჩში 3 გოლში პირველად მიიღო მონაწილეობა.
მადრიდი. "სანტიაგო ბერნაბეუ". 69 305 მაყურებელი
რეალი - სოსიედადი 3:1
გოლები: 0:1 ვილიან ხოსე (2), 1:1 ბენზემა (37), 2:1 ვალვერდე (47), 3:1 მოდრიჩი (74)
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
!["სოსიედადმა" "ბარსელონა" მინიმალური ანგარიშით დაამარცხა [VIDEO]](/pictures/image7/21f39a3326e959418e96b21ba3581eed.jpg "\"სოსიედადმა\" \"ბარსელონა\" მინიმალური ანგარიშით დაამარცხა [VIDEO]")
