ლა ლიგის 33-ე ტურის დასკვნით მატჩში "რეალმა" სახლში "ხეტაფე" 1:0 დაამარცხა.
უნდა ითქვას, "ხეტაფე" მრისხანე მეტოქეს არ შეუშინდა და დაცვაში არ ჩადგა, ბურთსაც აგორებდა და უტევდა კიდეც. მატჩის ბედი კი კარვახალმა გადაწყვიტა, რომელიც საჯარიმოში ოლივეირამ წააქცია და თერთმეტმეტრიანი სერხიო რამოსმა ზუსტად შეასრულა.
ვერ ვიტყვით, რომ ზიდანის გუნდმა გადასარევად ითამაშა, მაგრამ კლასის ხარჯზე მორიგი 3 ქულა მიითვალა და ოქროს მედლებისკენ მორიგი ნაბიჯი გადადგა.
"რეალმა" ზედიზედ მეექვსე გამარჯვება იზეიმა, 74 ქულით ლიდერია, "ბარსელონას" 4 ქულით უსწრებს და იმის გათვალისწინებით, რომ ქულებს არ კარგავს, ეს უკვე სერიოზული ფორაა.
5 ივლისს "რეალი" სტუმრად "ბილბაოს" შეხვდება, ხოლო 6 ივლისს "ბარსა" გასვლაზე "ვილიარეალს" დაუპირისპირდება.
"რეალის" მეკარე კურტუამ პრიმერას მიმდინარე გათამაშების 16 მატჩში არ გაუშვა გოლი და ამ მაჩვენებლით ევროპის ტოპ-5 ჩემპიონატის ლიდერია.
რეალი - ხეტაფე 1:0
გოლი: სერხიო რამოსი (79, პენ)
![alt](/pictures/image50/b1d014b695537925c999abb70a82c54d.jpg ""რეალმა" ისევ მოიგო და ჩემპიონობას კიდევ უფრო მიუახლოვდა")
ბენზემას ულამაზესი პასი და "რეალი" ბარსას" გაექცა [VIDEO]
![ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]](/pictures/image7/e1989fba3aa72fc932e5745d76e1d573.jpg "ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]")
!["რეალმა" საოცარ ელ კლასიკოში "ბარსას" სძლია და, ფაქტობრივად, ჩემპიონობა გაინაღდა [VIDEO]](/pictures/image7/1daa5ca3ea1f7734404c293eb5019c44.jpg "\"რეალმა\" საოცარ ელ კლასიკოში \"ბარსას\" სძლია და, ფაქტობრივად, ჩემპიონობა გაინაღდა [VIDEO]")
