ლა ლიგას მე-10 ტურში "ბარსელონა" მადრიდში "ატლეტიკოსთან" 0:1 დამარცხდა.
ისევე როგორც "რეალი" საშინელ ფორმაშია "ბარსელონა", ამ შეხვედრაშიც ვერ ითამაშა თავისი ფეხბურთი, "ატლეტიკომ" კი ის ითამაშა, რაც ჩვევია, ტერ შტეგენის შეცდომით პირველი ტაიმის დასასრულს კარასკომ ისარგებლა და გამარჯვების გოლი გაიტანა.
საკუთარ თავს არ ჰგავდა მესი, რომელიც მოედანზე შეუმჩნეველი იყო და ვერც მისი პარტნიორები ირჯებოდნენ სახეიროდ.
8 მატჩში "ბარსამ" 11 ქულა აიღო, რაც 1991 წლის შემდეგ ამ გუნდის უარესი შედეგია.
სტუმართა გუნდის ცენტრალურმა მცველმა ჟერარ პიკემ 62-ე წუთზე ტრავმა მიიღო და თვალცრემლიანმა დატოვა მოედანი.
სიმეონეს ხელმძღვანელობით "ატლეტიკომ" პირველად სძლია "ბარსელონას" ჩემპიონატზე - მე-18 მატჩში.
![alt](/pictures/image50/ff54d89e79aca8c5ffd7c2bc0de36fd2.jpeg "დაოსებული "ბარსელონა" "ატლეტიკოსთან" დამარცხდა")
რივალდო: ეს "ბარსელონაში" მესის ბოლო სეზონია
