ლა ლიგას მე-11 ტურში "რეალი" საკუთარ მოედანზე 1:2 დამარცხდა "ალავესთან".
"ალავესი" დებიუტში გატანილი პენალტით პერესმა წინ გაიყვანა, თუმცა თავად 11-მეტრიანი საკმაოდ საეჭვო იყო. საპასუხოდ კი, "რეალს" არ დაუდეს პენალტი, არა და აზარი მეტოქის საჯარიმოში აშკარად წააქციეს...
მეორე ტაიმის დასაწყისში მეკარე კურტუას შეცდომის შედეგად ხოსელუმ 2:0 დააწინაურა, 86-ე წუთზე კაზემირომ ანგარიში შეამცირა, ზედ მსაჯის საფინალო სასტვენის წინ კი ისკომ ბურთი ხარიხას გაარტყა. აღსანიშნავია, რომ რამდენიმე ძალიან რთული ბურთის მოგერიება "ალავესის" მეკარე პაჩეკომ მოახერხა, რომელიც მადრიდის "რეალის" აღზრდილია.
28-ე წუთზე ტრავმა მიიღო "სამეფო გუნდის" ნახევარმცველმა ედენ აზარმა და შეცვალეს.
"რეალმა" ჩემპიონატში ბოლო სამი მატჩიდან 2 წააგო და 1 ფრედ დაასრულა, 17 ქულით მე-4 ადგილზეა და 5 დეკემბერს გასვლაზე "სევილიას" შეხვდება, იქამდე კი 1-ელ დეკემბერს, ჩემპიონთა ლიგაზე სტუმრად "შახტარს" დაუპირისპირდება.
მადრიდი. "ალფრედო დი სტეფანო"
რეალი - ალავესი 1:2
გოლები: 0:1 პერესი (5, პენ), 0:2 ხოსელუ (49), 1:2 კაზემირო (86)
![alt](/pictures/image50/020e6029a8ca6601a3c7413e6e5055d4.jpg ""რეალი" ლა ლიგაზე წარუმატებლად ასპარეზობას აგრძელებს")
უჭირს "რეალს" - "ვილიარეალთანაც" ქულები დაკარგა
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
