ლა ლიგის მე-11 ტურში "ბარსელონა" გასვლაზე "რაიო ვალეკანოსთან" 0:1 დამარცხდა.
აგუერომ პირველად დაიწყო თამაში "ბარსას" სასტარტოში. მწვრთნელმა კუმანმა ძირითადში აგრეთვე კოუტინიო დააყენა. მასპინძლები 30-ე წუთზე ფალკაომ დააწინაურა. 71-ე წუთზე დეპაიმ პენალტი მოიპოვა, თავადვე შეასრულა, მაგრამ მეკარე დიმიტრიევსკიმ მისი დარტყმული მოიგერია.
"ბარსელონამ" პრიმერაზე ბოლო 4 მატჩიდან 3 წააგო და უკანასკნელი 10 თერთმეტმეტრიანიდან 5 ვერ გაიტანა.
"ბარსელონა", რომელსაც 1 მატჩით ნაკლები აქვს ჩატარებული, 15 ქულით მე-9 ადგილზეა და 30 ოქტომბერს "ალავესს" უმასპინძლებს.
მადრიდი."კამპო დე ვალეკასი"
რაიო ვალეკანო - ბარსელონა 1:0
გოლი: ფალკაო (30)
გამოუყენებელი პენალტი: დეპაი (72)
![alt](/pictures/image50/c8e456dd001b6534b87394472e50ecf3.jpeg "დეპაიმ პენალტი გააცუდა - "ბარსელონა" ისევ დამარცხდა")
ფატის უმძიმესმა ტრავმამ თავი შეახსენა - ესპანელი "ბარსას"მომდევნო ტურში ვერ დაეხმარება
