დღეს, 12 ივლისს, ევროპა ლიგის პირველ საკვალიფიკაციო ეტაპზე თბილისის "დინამო" სლოვაკურ "დუნაისკა სტრედას" დაუპირისპირდება.შეხვედრა სლოვაკეთში, დუნაისკა სტრედაში, "მოლ არენაზე" გაიმართება და თბილისის დროით 23:00 საათზე დაიწყება. სამწუხაროდ, მატჩს არც ერთი ქართული არხი არ აჩვენებს. სტრიმის არსებობის შემთხვევაში Sportall.ge მას შემოგთავაზებთ.
თბილისელები სლოვაკეთში ერთი დღით ადრე ჩავიდნენ, მატჩისწინა ვარჯიში გამართეს და პრესკონფერენციაზე მომავალ დაპირისპირებაზე კახა კაჭარავამ ისაუბრა.
"დინამოს" ის უპირატესობა აქვს, რომ ჩვენთან ჩემპიონატი მიმდინარეობს. სლოვაკეთში მაისში დასრულდა და "დუნაისკაზე" უკეთეს ფორმაში ვიმყოფებით. ვიტყვი, რომ ჩემი გუნდი ძალიან ახალგაზრდაა, მაგრამ
რა ხდება "დინამოში"?
თბილისელთა შემადგენლობაში განსაკუთრებული ცვილილებები არ არის. კლუბმა მხოლოდ ორი ფეხბურთელი დაიმატა.
29 წლის მოლდოველი გოლკიპერი - სტეფან სიკაჩი. სიკაჩი სხვადასხვა დროს ტირასპოლის "შერიფის", ასტრახანის "ვოლგარის", ბელგოროდის "სალიუტის", მოსკოვის "ტორპედოს" და "აფიპსის" რიგებს იცავდა, გასული სეზონის პირველ ნახევარში კი ფოთის "კოლხეთში" ასპარეზობდა.
მეორე ახალწვეული კი ყველასთვის კარგად ნაცნობი მათე ვაწაძეა. ვაწაძე "დინამოში" 2005 წლიდან 2010 წლის ბოლომდე ასპარეზობდა და ჩემპიონატში ჩატარებულ 68 მატჩში 32-ჯერ გამოიჩინა თავი. ეროვნული ნაკრების ფორვარდი ბოლოს დანიური "სილკებორგის" ღირსებას იცავდა, მანამდე კი დანიურ "ვიბორგსა" და "ორჰუსში" გამოდიოდა. მათეს ასევე "ვოლგაში", გორის "დილასა" და "ლოკომოტივში" უთამაშია.
სხვა შემთხვევაში გუნდი არსებული კონტინგენტით აპირებს მეტოქესთან დაპირისპირებას.
მეტოქე
"დუნაისკა სტრედას" ფეხბურთელების სატრანსფერო ღირებულება "ტრანსფერმარკეტზე", დღევანდელი მდგომარეობით, 6.50 მილიონია. რაც შეეხება "დინამოს", მისი ფასი 5.03 მილიონი ევროა. გუნდში 15 ლეგიონერია, რომლებიც ძირითადი შემადგენლობის დიდ ნაწილს იკავებენ.
გუნდის გამორჩეული ფეხბურთელი შემტევი ნახევარმცველი ზსოლტ კამარია. ის "ლაიპციგიდან" იყო იჯარით, თუმცა კლუბმა ის გამოისყიდა.
ბომბარდირი წინა სეზონში 10 გოლით სლოვაკი ერიკ პაცინდა იყო, რომელიც გუნდის ერთ-ერთი ლიდერია.
"დუნაისკა სტრედას" კარგი დაცვა ჰყავს. მაგალითად, პანამელი ერიკ დავისი მსოფლიო ჩემპიონატზე იყო და თუნდაც ბელგიასთან შეხვედრაში ძირითად შემადგენლობაში ითამაშა. აგრეთვე, მასთან ერთად დაცვის ჯაჭვს სლოვაკი, სერბი და ხორვატი ფეხბურთელები კრავენ.
სლოვაკური გუნდის კარის დარაჯი ჩეხი პატრიკ მაცეია, რომელიც მეტ-ნაკლებად სტაბილურად თამაშობს. ის, წინა სეზონის მიხედვით, საშუალოდ შეხვედრაში ერთ გოლს უშვებდა, რაც არცთუ ისე კარგი შედეგია.
ნახევარდაცვასა და შეტევაში "დუნაისკას" ჰყავს ფეხბურთელები, რომლებსაც სანაკრებო გამოცდილებაც აქვთ. მაგალითად: თომას ჰუკი - სლოვაკეთის ნაკრები.
მოლოდინი
თბილისელთა მეტოქე დაუძლეველ შთაბეჭდილებას არ ტოვებს, თუმცა კლუბის მხრიდან უფრო მეტ ტრანსფერს ველოდით, რათა კითხვის ნიშნებიც არ დარჩენილიყო.
კახა კაჭარავამ კარგად იცის თავისი საქმე, იცის, თუ რა დაუპირისპიროს მეტოქეს. მას ჰყავს ფეხბურთელები, რომლებსაც თამაშის აღება საკუთარ თავზე შეუძლიათ. დღევანდელი "დინამო" მთავარ გათვლას მის ტალანტებზე აკეთებს და გუნდს ოთარ კიტეიშვილი ლიდერობს.
მსაჯები
შეხვედრას ბოსნიელ მსაჯთა ბრიგადა მოემსახურება. მთავარი არბიტრი 33 წლის ირფან პელიტო გახლავთ. მას ასისტენტობას სენად იბრისიმბეგოვიჩი და დავორ ბელიო გაუწევენ. მეოთხე მსაჯი ჰარის კალიანაჩი იქნება. მატჩის დელეგატია ჩეხი პეტრ ფუსეკი, ხოლო მსაჯთა დამკვირვებელი პორტუგალიელი ლუსილიო ბატისტა გახლავთ.
ოთარ კიტეიშვილი: შანსებს 50/50-ზე შევაფასებ
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "სამგურალი" - "დინამო" (თბ) [LIVE]](/pictures/image7/859dc987155f477ff5767a4bf1445d97.png "ეროვნული ლიგა. X ტური. \"სამგურალი\" - \"დინამო\" (თბ) [LIVE]")
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
პ.ს. ორივე მატჩი ჩასმულია პირველი არხის განრიგში.. ჩიხურას 19:00 წუთზე და დინამოს 23:00 წუთზე, წეღან ვნახე