"მანჩესტერ იუნაიტედის“ ყოფილმა მცველმა რიჩარდ ეკერზლიმ შარშანწინ 26 წლის ასაკში დაანება ფეხბურთის თამაშს თავი და თავისი ბიზნესი წამოიწყო. რიჩარდი "მამიუს“ აკადემიის აღზრდილია, ძირითად გუნდში დამკვიდრება ვერ მოახერხა და ნავთსაყუდელი გამოიცვალა, თამაშობდა ინგლისის უფრო სუსტ გუნდებში, ხოლო შემდეგ "ტორონტოში“ გადაბარგდა.
როგორც ამბობს, ხელმომჭირნე კანადელებისგან ბევრი რამ ისწავლა, მათ თურმე საერთოდ არ აინტერესებთ რას ჩაიცმევენ და ფულის ხარჯვაც არ უყვართ. სწორედ იქ მიხვდა, რომ ფეხბურთის თამაში სიამოვნებას აღარ ანიჭებდა და სამშობლოში დაბრუნდა, ცოტა ხანი "სუონსისა“ და "ოლდემში“ იასპარეზა და ბუცები ლურსმანზე ჩამოკიდა.
მოკლედ, ბედს არ უჩივის და უფეხბურთოდ თავს ბედნიერად გრძნობს.
