"ჩელსის" პრეზიდენტს რომან აბრამოვიჩს გადაწყვეტილი აქვს "სტემფორდ ბრიჯის" გვერდით ახალი, სუპერთანამედროვე 60 000-იანი სტადიონი ააშენოს და ეს სიამოვნება საკმაოდ ძვირი, 1.3 მილიარდი ევრო დაუჯდება, მაგრამ მის განხორციელებას არენასთან დასავლეთით მცხოვრები ერთი ოჯახი უშლის ხელს.ამ ოჯახის წევრები აცხადებენ, რომ ახალი ნაგებობა მათ სახლს დააბნელებს და შესაბამის სამსახურში იჩივლეს. "არისტოკრატებს" თურმე, მათთვის გვარიანი ფინანსური კომპენსაცია შეუთავაზებიათ, მაგრამ უარი მიუღიათ და აბრამოვიჩმა ქალაქის საბჭოს სთხოვა მშენებლობის უფლება დართონ.
