ლონდონის "ტოტენჰემი" ინგლისის FA CUP-ის 1/8-ფინალურ ეტაპზე, გასვლით შეხვედრაში "როჩდეილს" დაუპირისპირდება. აღნიშნული კლუბის სტადიონის მოედნის საფარის ნახვის შემდეგ საგონებელში ჩავარდა "დეზების" მთავარი მწვრთნელი მაურისიო პოჩეტინო. არგენტინელი დამრიგებლის თქმით, "როჩდეილის" მინდვრის საფარი საშინელ მდგომარეობაშია და იქ ფეხბურთის თამაში უბრალოდ შეუძლებელია. ასევე დიდი რისკია, რომ მისმა ფეხბურთელებმა ტრავმა მიიღონ. იგი ამ საკითხთან დაკავშირებით განცხადების შეტანას ინგლისის საფეხბურთო ასოციაციაში გეგმავს.
"როჩდეილი" ინგლისის პირველ ლიგაში ასპარეზობს. მისი და "ტოტენჰემის" შეხვედრა 18 თებერვალსაა დაგეგმილი.
