"პარიზიენის" ცნობით, "ჩელსის" მენეჯერს ანტონიო კონტეს სეზონის დასრულებისთანავე მოხსნიან და მის ნაცვლად დროებით უმუშევარ, "ბარსელონას" ყოფილ თავკაცს ლუის ენრიკეს დანიშნავენ.ცოტა ხნის წინ "დეილი მეილმა" იუწყა, რომ ლუის ენრიკემ წლიურ გასამრჯელოდ 16.5 მილიონი ევრო, ანუ ზუსტად იმდენი მოითხოვა, რამდენსაც "ბარსაში" იღებდა.
ცნობისათვის, კონტეს წლიური ხელფასი 9.5 მილიონია და პრემიერლიგაში ერთ-ერთი ყველაზე მაღალანაზღაურებადი სპეციალისტია.
