ლონდონის "ტოტენჰემის" დირექტორთა საბჭოს თავმჯდომარემ, დანიელ ლევიმ ახსნა, თუ რატომ დანიშნეს გუნდის ახალ მთავარ მწვრთნელად ჟოზე მოურინიო.
"ჟოზე ერთ-ერთი ყველაზე წარმატებული მენეჯერია ფეხბურთში. მას მდიდარი გამოცდილება აქვს და შეუძლია გუნდის მოტივირება. ის ასევე ბრწყინვალე ტაქტიკოსია. მოურინიომ ყველა კლუბში, სადაც იყო, ტიტული მოიგო. ჩვენ გვჯერა, რომ ის გასახდელში რწმენასა და ენერგიას შეიტანს", - აღნიშნა ლევიმ კლუბის ოფიციალურ ვებგვერდთან.
56 წლის მოურინიოს ბოლო სამუშაო ადგილი "მანჩესტერ იუნაიტედი" იყო, სადაც სპეციალისტი 2018 წლის დეკემბერში გაათავისუფლეს. ის ლონდონში ადრეც მუშაობდა, როცა "ჩელსის" წვრთნიდა.
აღსანიშნავია,
რომ პოჩეტინოს გათავისუფლების გამო "ტოტენჰემმა" არგენტინელ სპეციალისტს 12.5 მლნ ფუნტი უნდა გადაუხადოს. ხოლო, თუ გავითვალისწინებთ მისი ასისტენტების კომპენსაციას, ჯამში კლუბმა 19.6 მლნ ფუნტი უნდა გადაიხადოს, - იტყობინება The Independent-ი.
არგენტინელი სპეციალისტი "ტოტენჰემს" 293 მატჩში გაუძღვა. გასულ სეზონში "ტოტენჰემი" ჩემპიონთა ლიგის ფინალში გავიდა.
რაც შეეხება მოურინიოს, ის "დეზებში" წელიწადში 15 მლნ ფუნტს მიიღებს, - იტყობინება Daily Mail-ი.
ეს თითქმის ორჯერ მეტია, ვიდრე მაურისიო პოჩეტინოს ჰქონდა. მოურინიომ კლუბთან კონტრაქტი 2022/23 წლების სეზონამდე გააფორმა.
![alt](/pictures/image50/592ba44fa36b70f7a3773b2cba9b244e.jpg "ლონდონის "ტოტენჰემში" ახსნეს თუ რატომ დანიშნეს მთავარ მწვრთნელად ჟოზე მოურინიო")
პრემიერლიგის კიდევ ერთი ხიბლი: ჟოზე მოურინიო "ტოტენჰემის" მთავარი მწვრთნელია
![მოურინიოს მდიდრული ცხოვრება სტამბულში - მინიმუმ 1000 ფუნტი დღეში, "დონერ ქებაბი" და რა საკვები შედის პორტუგალიელის ყოველდღიურ მენიუში [PHOTOS]](/pictures/image7/480b51054f1680b7a8882ee94e27a592.jpeg "მოურინიოს მდიდრული ცხოვრება სტამბულში - მინიმუმ 1000 ფუნტი დღეში, \"დონერ ქებაბი\" და რა საკვები შედის პორტუგალიელის ყოველდღიურ მენიუში [PHOTOS]")
