პრემიერლიგის 23-ე ტურში "მანჩესტერ სიტიმ" სტუმრად 4:1 სძლია "ლივერპულს".
პეპ გვარდიოლას გუნდმა ყველა ტურნირზე ზედიზედ მე-14 გამარჯვება იზეიმა, რაც კატალონიელის სამწვრთნელო კარიერის რეკორდია. აღსანიშნავია, რომ "სიტიმ" კარში 5-ჯერ დაარტყა (ყველა მეორე ტაიმში) და 4 გოლი გაიტანა.
ბოლოს "სიტის" გასვლაზე "ლივერპული" 2003 წელს ჰყავდა დამარცხებული და მოუგებელი 19-მატჩიანი სერია შეწყვიტა.
"ლივერპულმა" ჩემპიონატზე ზედიზედ 3 საშინაო მარცხი 1963 წლის შემდეგ პირველად განიცადა, 4 გოლი სახლში კი ერთ მატჩში 2009 წლის მერე პირველად გაუშვა.
ნამატჩევს "ლივერპულის" მწვრთნელმა იურგენ კლოპმა თქვა, რომ თავისი გუნდის თამაში მოეწონა, მაგრამ შეხვედრის ბედი მეკარე ალისონის ორმა შეცდომამ გადაწყვიტა.
"მანჩესტერ სიტი", რომელსაც 1 მატჩით ნაკლები აქვს ჩატარებული, 50 ქულით ლიდერია, უახლოეს მდევარ "მანჩესტერს" 5 ქულით უსწრებს, ხოლო მე-4 პოზიციაზე მყოფ "ლივერპულს" - 10 ქულით.
ლივერპული. "ენფილდი"
ლივერპული - მანჩესტერ სიტი 1:4
გოლები: 0:1 გიუნდოგანი (49), 1:1 სალაჰი (63, პენ), 1:2 გიუნდოგანი (73), 1:3 სტერლინგი (73), 1:4 ფოდენი (83)
გამოუყენებელი პენალტი: გიუნდოგანი (37)
![alt](/pictures/image50/39fab8f27174d904a46a2bc18312f5fb.png ""მანჩესტერ სიტიმ" "ლივერპული" გაანადგურა და მიჯრით მე-14 გამარჯვება იზეიმა [VIDEO]")
სუპერმატჩი "ოლდ ტრაფორდზე" - ანჩელოტის "ევერტონმა" "მანჩესტერს" დაუქამბექა [VIDEO]
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
