ინგლისის პრემიერლიგის 28-ე ტურში "ტოტენჰემმა" "ევერტონს" უმასპინძლა და 5:0 დაამარცხა.
"მამლებმა" პირველი ტაიმი სამგოლიანი უპირატესობით მოიგო. ანგარიში მაიკლ დინის (14) ავტოგოლით გაიხსნა. 3 წუთში სონმა (17) სხვაობა ორბურთიანი გახადა, ჰარი კეინმა (37) კი "კანფეტების" კარი მესამედ აიღო.
მეორე ტაიმში, 46-ე წუთზე, სერხიო რეგილონმა მერსისაიდელებს მეოთხედ გაუტანა, ჰარი კეინმა კი 55-ე წუთზე საბოლოო ანგარიში დააფიქსირა.
ამრიგად, 26 თამაშის შემდეგ "ტოტენჰემს" 45 ქულა აქვს და მე-7 ადგილზე იმყოფება. შემდეგ შეხვედრას 12 მარტს, "მანჩესტერ იუნაიტედის" წინააღმდეგ ჩაატარებს.
"ევერტონი" 22 ქულით მე-17 პოზიციას იკავებს, 13 მარტს კი "ვულვზს" უმასპინძლებს.
