ტრავმა მრავალნაირი არსებობს, მაგრამ ასეთი, ალბათ, არ გაგიგიათ - ინგლისის მეორე ლიგის "ჰარტლპულ იუნაიტედის" ნახევარმცველი მარკ შელტონი 45-ე ტურში "სკანთორპ იუნაიტედთან" თამაშს ყურის პრობლემის გამო ვერ შეძლებს.
BBC-ის ცნობით, 25 წლის შელტონმა ბამბის ტამპონი ყურში ძალიან ღრმად შეიყო. ჰოდა, შეიყო და ვეღარ გამოიღო...
"შელტონი საავადმყოფოშია. როგორც ჩანს, ტამპონი ძალიან ღრმად შეუვიდა, წამოდგომა არ შეუძლია, თავბრუსხვევა აქვს", - თქვა გუნდის მწვრთნელმა გრემ ლიმ.
