კვირას, გვიან ღამით, "ჩელსიმ" გვაუწყა, რომ დაკავებული თანამდებობიდან გუნდის მთავარი მწვრთნელი გრემ პოტერი გაათავისუფლა. ლონდონელებს დროებით ბრუნო სალტორი დამოძღვრავს, პოტერის გათავისუფლებიდან რამდენიმე წუთში კი მის შესაძლო შემცვლელზე პრესაში უკვე არაერთი ინფორმაცია ვრცელდება.
ზინედინ ზიდანი, მაურისიო პოჩეტინო, რუბენ ამორიმი, იულიან ნაგელსმანი, რობერტო დერ ძერბი - ეს ის მენეჯერები არიან, რომლებიც შესაძლოა, "სტემფორდ ბრიჯზე" მივიდნენ.
საინტერესოა, რომ ინგლისური პრესის ცნობით, ახალი სამსახურის ვარიანტი თავად პოტერსაც აქვს. გუშინ "ლესტერმა" ბრენდან როჯერსი გადააყენა და "მელიები" ერთ-ერთ ვარიანტად სწორედ "ჩელსის" ყოფილ დამრიგებელს განიხილავენ.
