ბელგიის ნაკრებისა და მილანის "ინტერის" თავდამსხმელმა რომელუ ლუკაკუმ აღიარა, რომ სერია A-ში გადასვლამდე რონალდოსთან ითათბირა.
კრიშტიანო რონალდო ტურინის "იუვენტუსში" უკვე მეორე სეზონს ატარებს. პორტუგალიელის სტატისტიკა ისეთი ვეღარაა, როგორც ესპანეთში ჰქონდა და თავისი ახსნაც აქვს. როგორც თავად რონალდო ამბობს, იტალიაში უფრო დაცვიდან თამაშობენ. სწორედ ამის შესახებ ეუბნებოდა რონალდო ლუკაკუს "ინტერში" გადასვლამდე.
"კრიშტიანომ მითხრა: "სერია A მსოფლიოში ყველაზე დაცვითი ლიგაა". მან თქვა, რომ გოლები ყველგან გაუტანია, მაგრამ იტალიაში ყველაზე მეტად უჭირს. თუ კრიშტიანო რონალდო ფიქრობს ასე, ესე იგი, ეს სიმართლე უნდა იყოს",
- თქვა ლუკაკუმ Calciomercato-თან საუბარში.
შეგახსენებთ, რომ "ინტერი" და "იუვენტუსი" სერია A-ს სატურნირო ცხრილში 42-42 ქულით პირველ-მეორე ადგილებს იყოფენ.
ლუკაკუს აგენტი: როცა სერია A ხმას ამოიღებს, ყველაფერი უარესდება
კეთილი იყოს შენი დაბრუნება - ლუკ შოუმ ლუკაკუს დასცინა
![რონალდო არასპორტული საქციელის გამო გააძევეს - მსაჯი პორტუგალიელის მუშტს გადაურჩა [VIDEO]](/pictures/image7/ea2be323367c94b124be4a91800b3f70.png "რონალდო არასპორტული საქციელის გამო გააძევეს - მსაჯი პორტუგალიელის მუშტს გადაურჩა [VIDEO]")
