12 თებერვალს, იტალიის თასის პირველ 1/2-ფინალურ მატჩში "ნაპოლიმ" სტუმრად 1:0 სძლია "ინტერს".
ეს გუნდები ამჟამად აბსოლუტურად სხვადასხვა მდგომარეობაში იმყოფებიან - "ინტერი" ჩემპიონატის ლიდერია, "ნაპოლი" კი მე-11 ადგილზეა და უკვე დაიწყო საუბრები მისი მწვრთნელის, ჯენარო გატუზოს გადაყენებაზე.
თუმცა ნეაპოლურმა გუნდმა ფაბიან რუისის შესანიშნავი გოლით მეტოქის დამარცხება მოახერხა. სხვათა შორის, "ნაპოლის" 23 წლის ესპანელ ლეგიონერს ამ სეზონში სერია A-ს 19 შეხვედრაში მხოლოდ 1 გოლი აქვს გატანილი.
"ნაპოლიმ" 23 დღეში ჩემპიონატის პირველი სამეულის გუნდებს მოუგო: თასზე "ლაციოსა" და "ინტერს", ხოლო სერია A-ში "იუვენტუსს".
ამ გუნდების განმეორებითი მატჩი 5 მარტს ნეაპოლში გაიმართება.
მეორე ნახევარფინალში, 13 თებერვალს, ერთმანეთს "მილანი" და "იუვენტუსი" შეხვდებიან.
![alt](/pictures/image50/d2642c8b0613aaa2359fedaeed49767f.jpg "მეთერთმეტეადგილოსანი "ნაპოლი" ლიდერების რისხვაა - თასზე "ინტერსი" დაამარცხა")
ჯენარო გატუზოს გადაყენებას უპირებენ
!["მისტერ, გთხოვ, გვაპატიე" - "ნაპოლის" ფანები რუდი გარსიას ბოდიშს უხდიან [PHOTO]](/pictures/image7/72a1c6a811e96b0d65479399ea7cf9a2.png "\"მისტერ, გთხოვ, გვაპატიე\" - \"ნაპოლის\" ფანები რუდი გარსიას ბოდიშს უხდიან [PHOTO]")
