იტალიური პრესის მიერ გავრცელებული ინფორმაციის თანახმად, იტალიის თასის ფინალისტები დაჯილდოების ცერემონიას თავად ჩაატარებენ.
გადამწყვეტი შეხვედრა დღეს, 17 ივნისს, თბილისის დროით 23:00 საათზე დაიწყება. გამარჯვებულს მესამე პირთა გარეშე მოუწევს თასის ჩაბარება, ხოლო წაგებულებს - მხოლოდ მედლების. მატჩი, ბუნებრივია, მაყურებელთა გარეშე გაიმართება.
"მოდით, ამას თვითმომსახურება დავარქვათ. სპორტსმენები თავად აიღებენ მედლებსა და თასს. ამით ზედმეტ კონტაქტებს ავიცილებთ თავიდან", - განაცხადა სერია A-ს გენერალურმა დირექტორმა ლუიჯი დე სიერვომ.
მოგეხსენებათ, ნახევარფინალურ ეტაპზე "იუვენტუსმა" "მილანი" დაამარცხა, ხოლო "ნაპოლიმ" ორი მატჩის ჯამში "ინტერს" აჯობა.
მომზადებულია Sky sports-ის
მიხედვით
"ნაპოლიმ" "ინტერის" ბარიერი გადალახა და ფინალში "იუვენტუსს" შეხვდება [VIDEO] 
რონალდომ პენალტი გააცუდა, "იუვენტუსმა" კაცნაკლულ "მილანს" ვერ სძლია, თუმცა მაინც გავიდა ფინალში [VIDEO]
