ერთ-ერთ იტალიურ საფეხბურთო გადაცემაში სტუმრობისას, ჟურნალისტმა მიშელ კრისსიტიელომ განაცხადა, რომ რაფაელ ლეაოს შესაჩერებლად მეტოქეებმა პორტუგალიელს ფეხი უნდა მოტეხონ.
"როგორ შევაჩეროთ ლეაო? მოტეხეთ ფეხი და გაჩერდება".
ამ განცხადებას თვითონ ფეხბურთელიც გამოეხმაურა:
"პრობლემა ის არაა, რომ ვიღაცამ ეს თქვა; დამნაშავე ისაა, ვინც ამის უფლება მისცა".
შეგახსენებთ, "მილანი" სერია A-ში 56 ქულით მე-4 ადგილს იკავებს ("რომასაც" 56 ქულა აქვს) და ჩემპიონთა ლიგის ზონაში მოსახვედრად იბრძვის. ამასთან ერთად, "როსონერი" ჩემპიონთა ლიგის ნახევარფინალშია, ფინალის საგზურისთვის კი თანაქალაქელ "ინტერს" შეხვდება.
რაც შეეხება ლეაოს, რაფაელი სანაკრებო პაუზის
შემდეგ მაგარ ფორმაში შევიდა, გამართულ 6 შეხვედრაში კი თავი 4 გოლითა და 1 ასისტით გამოიჩინა.
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
