მუნდიალზე დიდი ფეხბურთი დაიწყო - პორტუგალია პირველი ტაიმის შემდეგ ესპანეთს ამარცხებს

AutoSharing Option
მსოფლიოს ჩემპიონატის ჯგუფური ეტაპის პირველი ტურის მატჩის პირველი ტაიმი პორტუგალიისა და ესპანეთის ნაკრებებს შორის 2:1 დასრულდა.

როგორც იქნა, ტურნირზე დიდი ფეხბურთი ვიხილეთ.

შეხვედრა მართლაც საინტერესოდ დაიწყო, უკვე მე-3 წუთზე რონალდომ თავის მიერვე მონადირებული თერთმეტმეტრიანით გახსნა ანგარიში. ის მეოთხე ფეხბურთელია, რომელმაც 4 მუნდიალზე გაიტანა გოლი. აქამდე ეს მხოლოდ უვე ზეელერმა, პელემ და მიროსლავ კლოზემ შეძლეს.

ამის შემდეგ ესპანეთმა შეუტია, დავიდ სილვამ კარის აღების ორი კარგი შესაძლებლობა ვერ გამოიყენა, რასაც პორტუგალიელთა სწრაფი კონტრიერიში მოჰყვა და კრიშტიანოს კარგი პასი გუედეშმა ვერ გამოიყენა. საპასუხო
შეტევისას კი დიეგო კოშტამ შესანიშნავი გოლი გაიტანა. მერე ისკოს დარტყმული ბურთი ძელს მოხვდა, ინიესტამ ოდნავ ააცილა ბურთი კარს. ბოლოს კი რონალდომ ისარგებლა დე ხეას შეცდომით და პირველი ტაიმი პორტუგალიამ მოიგო.

პარასკევი. 15 ივნისი. სოჭი. "ოლიმპიისკი".
პორტუგალია - ესპანეთი 2:1
გოლები: 1:0 რონალდო (4, პენ), 1:1 დიეგო კოშტა (24), რონალდო (44)

პორტუგალია: რუი პატრისიუ, პეპე, ფონტე, სოარეში, გერეირო, მოუტინიო, კარვალიო, გუედეში, ფერნანდეში, ბ. სილვა, რონალდო

ესპანეთი: დე ხეა, სერხიო რამოსი, პიკე, ალბა, ნაჩო, ინიესტა, დავიდ სილვა, ბუსკეტსი, ისკო, კოკე, დიეგო კოშტა
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული