მსოფლიოს ჩემპიონატზე შვედეთთან გერმანიის ნაკრების გამარჯვებას ინგლისის ეროვნული გუნდის ყოფილი თავდამსხმელი, გარი ლინეკერი გამოეხმაურა.მან თავისი ფრთიანი ფრაზის:"ფეხბურთს 22 ადამიანი თამაშობს და ყოველთვის გერმანელები იმარჯვებენ", ინტერპრეტირება მოახდინა.
"ფეხბურთი მარტივი თამაშია: 82 წუთის განმავლობაში ბურთს 22 ადამიანი დასდევს და გერმანელები გაძევებულ მოთამაშეს კარგავენ. ასე რომ, 21 ადამიანი ბურთს კიდევ 13 წუთი დასდევს და ბოლოს და ბოლოს გერმანიის ნაკრები გაურკვეველია როგორ იმარჯვებს", - დაწერა ლინეკერმა სოციალურ ქსელში.
