ფიფას პრეზიდენტმა ჯანი ინფანტინომ უკვე მომდევნო მსოფლიოს ჩემპიონატზე ნაკრებების რაოდენობის შესაძლო გაზრდის შესახებ ისაუბრა.შეგახსენებთ, რომ მუნდიალი 2022 ყატარში გაიმართება.
"გადავწყვიტეთ, მსოფლიოს ჩემპიონატის ფინალურ სტადიაზე ნაკრებების რაოდენობა 32-დან 48-მდე გავზარდოთ და ეს ცვლილება 2026 წლის მუნდიალისთვის უკვე ძალაში შევა. მოხდება თუ არა გუნდების რაოდენობის გაზრდა 2022 წლის მუნდიალისთვის? ასეთ ვარიანტს განვიხილავთ. თუ ამის გაკეთება რეალურია, მაშინ რატომაც არა?
უნდა შევაფასოთ, რამდენად შესაძლებელია ეს. ამის განხილვა უკვე მიმდინარეობს ჩვენს ყატარელ პარტნიორებთან და რეგიონის სხვა წარმომადგენლებთან. იმედი გვაქვს, რომ ამის გაკეთება მოხერხდება",
შეგახსენებთ, რომ 32-გუნდიანი მსოფლიოს ჩემპიონატი 1998 წლიდან იმართება.
![ფიფას პრეზიდენტი საქართველოს სპეციალური ვიზიტით ესტუმრა [VIDEO]](/pictures/image7/2e66473adc7310362e6624ba63733409.jpg "ფიფას პრეზიდენტი საქართველოს სპეციალური ვიზიტით ესტუმრა [VIDEO]")
