როგორც მოსალოდნელი იყო, გერმანია თავიდანვე დაეუფლა დიდ ტერიტორიულ და სათამაშო უპირატესობას, შტურმი მოაწყო და რაუმის მიერ მოპოვებული პენალტით გიუნდოგანმა ანგარიში გახსნა. ევროპელებმა ამის შემდეგაც არაერთი მომენტი შექმნეს, გიუნდოგანმა ბურთი ძელს გაარტყა და ამდენი შანსის ხელიდან გაშვების გამო დაისაჯნენ: გააქტიურებულმა იაპონელებმა სახიფათო კონტრშეტევებით უპასუხეს, იტოს გატანა ნოიერმა არ დაანება, შემდეგ კი დოანმა და ასანომ დალაშქრეს ბუნდესგუნდის კარი (ორივე ბუნდესლიგაში მოასპარეზე ფეხბურთელია). გერმანია ბოლოს იერიშებზე გადავიდა, გორეცკამ მიზანს ვერ უწია და იაპონიამ სენსაციური გამარჯვება მოიპოვა.
დღეს ამავე ჯგუფში ერთმანეთს ესპანეთი და კოსტა-რიკა დაუპირისპირდებიან.
ალ რაიანი, „ხალიფა ინტერნაციონალ სტადიუმი“. 42 608 მაყურებელი
გერმანია - იაპონია 1:2
გოლები: 1:0 გიუნდოგანი (33, პენ), 1:1 დოანი (75), 1:2 ასანო (83)
![alt](/pictures/image50/2c1b06ede6e8056a948e8e0f19d828c7.jpg "ამომავალი მზის ქვეყნელებმა მუნდიალზე გერმანიას "მზე დაუბნელეს"")
ნოიერი LGBT სამკლაურს გაიკეთებს
გიორგობას ვულოცავ მთელს საქართველოს და მის ფარგლებს გარეთ მყოფ ყველა ქართველს!
მშვენიერი კომენტარია!
ძალიან გამეხარდა იაპონიის გამარჯვება! ეს გერმანია არ არია! გერმანია იყო მანფრედ კალცი, ული შტილიკე, კაიზერ ფრანცი (ბეკენბაუერი), გიუნტერ ნეტცერი, გერდ მიულერი, რუმენიგე... ესენი? ესენი ის ხალხია სამკლავური რომ სჭირდებათ!