ამ მსოფლიო ჩემპიონატმა სპორტის გულშემატკივრებს კიდევ ერთხელ დაანახა, რომ მეტოქის დაუფასებლობა არ შეიძლება, მუნდიალზე სუსტი გუნდები არ მონაწილეობენ. იაპონიის ნაკრებმა წარმოუდგენელი მისია შეასრულა და იმ ჯგუფიდან პირველ ადგილზე გავიდა, სადაც ესპანეთი და გერმანია გამოდიოდნენ. ერთი შეხედვით რომ ვთქვათ, ხშირად ყოფილა, როდესაც საფეხბურთო გრანდები მოწინააღმდეგეს არასერიოზულად ეკიდებოდნენ და დაგეგმილი 3 ქულისთვის გადიოდნენ (არგენტინის მაგალითი საუდის არაბეთთან), თუმცა "ლურჯი სამურაის" შემთხვევა რადიკალურად განსხვავებულია, "ამომავალი მზის ქვეყნის" ფეხბურთელები "ფურია როხასთან" და "ბუნდესნაკრებთან" პირველ ტაიმში მარცხდებოდნენ, თუმცა კატარი 2022-ზე, როგორც თამაშში დაბრუნების სპეციალისტები, ისე
მოგვევლინენ და ორივე შეხვედრა ერთნაირი ანგარიშით, 2:1 მოიგეს. ამ უნიკალური შედეგით იაპონია ფეხბურთის ისტორიაში მე-3 გუნდი გახდა, რომელიც ერთსა და იმავე ტურნირზე პირველ ნახევარში 2 შეხვედრაში მარცხდებოდა, თუმცა შეხვედრები გამარჯვებით დაასრულეს - 1938 წლის ბრაზილია და 1970 წლის დასავლეთი გერმანია.
![Sportall.Ge](/pictures/artimages/original/5ba0238b646ea4079a47cf84dd4602a2.jpg ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
"ლურჯი სამურაის" ცვლილებები ისევ მუშაობს
თითქოსდა ყველაფერი წინასწარაა დაგეგმილი, იაპონელთა მთავარ მწვრთნელს, ჰაჯიმე მორიაცუს, მეორე ნახევარში ფეხბურთელები გამოჰყავს და მათ შეხვედრაში გარდატეხა შეაქვთ. მაგალითად, გერმანიასთან და ესპანეთთან სათადარიგო სკამიდან რიცუ დოანი შემოვიდა და ორივე მატჩში თავი გამოიჩინა.
![Sportall.Ge](/pictures/artimages/original/1781f4a3580951936a41ba452a6fdc8c.png ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
აღნიშნულ ფაქტს ინგლისის ნაკრების ყოფილი მეკარე კარენ ბარდსლი გამოეხმაურა:
"ეფექტურ შეცვლებს იყენებენ, რითაც ხელთ უპირატესობას იგდებენ. მათ ჯგუფიდან გასვლა დაიმსახურეს. უნდა ისაუბროთ დისციპლინასა და სტრუქტურაზე, რაზედაცაა ეს გუნდი აგებული. ასე მიჰყვებიან თამაშის გეგმას და აკეთებენ ყველაფერს. სწორედ ამ მიდგომით დაძლიეს რთული ჯგუფი და გავიდნენ პლეი-ოფში, სადაც ხორვატიას შეხვდებიან. უცნაურია კოსტა-რიკასთან მარცხი, თუმცა, რაც მთავარია, კარში გოლი იქ გაიტანეს, სადაც ყველაზე მნიშვნელოვანი იყო".
![Sportall.Ge](/pictures/artimages/original/f176d7c2ab52c147d3d65ba3efd25d47.png ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
"ფურია როხასთან" მეორე გოლის მომენტში საკამათო მომენტი დაფიქსირდა. საქმე ის გახლავთ, რომ კაორუ მიტომამ (46-ე წუთზე შემოვიდა ცვლილებაზე) ბურთით აო ტანაკას გადაცემა გაუკეთა და დიუსელდორფული გუნდის ნახევარმცველმაც საკუთარი გუნდი დააწინაურა, თუმცა არსებობდა ვარაუდი, რომ ბურთმა მოედნის ფარგლები დატოვა. საქმეში VAR-ი ჩაერთო და გოლიც ჩაითვალა. ამ ფაქტს გულშემატკივრებს შორის კამათი მოჰყვა, რასაც იაპონელთა მთავარი მწვრთნელი გამოეხმაურა:
"დღეს ფეხბურთში დიდებული ტექნოლოგიები გვაქვს. თუ ბურთმა ხაზი გადაკვეთა, მაშინ გოლი არ ჩაითვლებოდა და კარიდან დარტყმა დაინიშნებოდა".
შემდეგი გაჩერება? ხორვატია...
ესპანეთთან გამარჯვება იაპონელ გულშემატკივრებს არასდროს დაავიწყდებათ, პლეი-ოფში კი უკვე მსოფლიოს ვიცე-ჩემპიონ ხორვატიასთან ითამაშებენ. "ლურჯი სამურაი" საკუთარ საფეხბურთო ისტორიაში მუნდიალის მეოთხედფინალში ჯერ არ გასულა, ამ უსიამოვნო ტრადიციის დარღვევას კი მორიაცუს ხელმძღვანელობით აპირებენ.
![Sportall.Ge](/pictures/artimages/original/2ef4b2f751e573c2b44e3ff9b85242bc.jpg ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
"დიდი მადლობა ჩვენს გულშემატკივრებს მხარდაჭერისთვის. მათი წყალობით შევძელით ამ რთული შეხვედრების მოგება. ბედნიერი ვარ, რომ ჯგუფიდან გავედით. შემდეგი მიზანი 8 საუკეთესო გუნდში მოხვედრაა. ჩვენი ფეხბურთელები მსოფლიოს აჩვენებენ ბრძოლის მაგალითს. გვინდა, რომ ახალ ნიშნულს მივაღწიოთ და მეოთხედფინალის საგზურიც მოვიპოვოთ" - განაცხადა იაპონიის ნაკრების თავკაცმა.
ხორვატიასთან მატჩი 5 დეკემბერს, თბილისის დროით 19:00 საათზე გაიმართება.
მომზადებულია BBC-ის მიხედვით
![alt](/pictures/image50/be307dab47c3e0939b9e7b1b04c0b484.jpg ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
იაპონელები მიღწეულით დაკმაყოფილებას არ აპირებენ - მორიასუ ხორვატიის გასაგდებად მზადაა
![alt](/pictures/image50/7af43428ad8136473e0559fe26d83701.jpeg ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
სასწაული - ესპანეთმა იაპონიასთან წააგო და გერმანია ჯგუფში ჩარჩა! [VIDEO]
![alt](/pictures/image50/e5df6057121ebdb1b5ef41caa17ae5fd.jpg ""ლურჯი სამურაის ზღაპარი" - ქამბექის დიდოსტატები და ისტორიული შედეგისთვის ბრძოლა")
2016 წელს "არსენალში" გადავიდა, თუმცა 1 მატჩიც არ ჩაუტარებია - ვინ არის გუშინდელი დღის გმირი?
