საფრანგეთის ლიგა 1-ის მე-15 ტურში "პარი სენ ჟერმენი" "სანტ ეტიენს" ესტუმრა და 3:1 დაამარცხა.
მასპინძლებმა დენის ბუანგას გოლის წყალობით ანგარიში 23-ე წუთზე გახსნეს.
წონასწორობა მარკინიოსმა 45+2 წუთზე აღადგინა.
მეორე ნახევარში პარიზელების მხრიდან მასპინძლების კარი ანხელ დი მარიამ (79) და მარკინიოსმა (90+1) აიღეს და აქტივში მორიგი გამარჯვება ჩაიწერეს.
აღსანიშნავია, რომ სამივე ეპიზოდში პასი ლიონელ მესის ეკუთვნის, როგორც იქნა, არგენტინელმა საკუთარი შესაძლებლობები წარმოაჩინა, გამოსარჩევია სერხიო რამოსის დებიუტიც, ესპანელმა მცველმა ფრანგული გუნდის შემადგენლობაში პირველი მატჩი გამართა და გუნდს მოგებაში დაეხმარა.
სამწუხაროდ, მატჩის მიწურულს, 88-ე წუთზე ნეიმარი ტრავმის გამო შეცვალეს, როგორც ერთი შეხედვით ჩანს დაზიანება საკმაოდ მძიმეა, იმედია ბრაზილიელი მოედანს მალევე დაუბრუნდება.
15 ტურის თავზე პსჟ 40 ქულით 1-ელ ადგილზე იმყოფება, მომდევნო შეხვედრას კი 2 დეკემბერს, "ნიცას" წინააღმდეგ გამართავს.
"სანტ ეტიენი" 12 ქულით ბოლო, მე-20 პოზიციას იკავებს, შემდეგ ტურში კი (1-ელ დეკემბერს) "ბრესტს" ესტუმრება.
!["სპორტის ისტორიაში ერთ-ერთ უდიდეს ლეგენდასთან ერთად" - ილია თოფურია ლიონელ მესისა და მაიამის "ინტერის" სხვა ვარსკვლავებს შეხვდა [PHOTOS]](/pictures/image7/258f21279919bb3cf4053911e9d2a5bf.png "\"სპორტის ისტორიაში ერთ-ერთ უდიდეს ლეგენდასთან ერთად\" - ილია თოფურია ლიონელ მესისა და მაიამის \"ინტერის\" სხვა ვარსკვლავებს შეხვდა [PHOTOS]")
