პსჟ-ის მთავარმა მწვრთნელმა ლუის ენრიკემ გუნდიდან კილიან მბაპეს წასვლაზე კიდევ ერთხელ ისაუბრა და აღნიშნა, რომ ახლა გუნდი შეტევაშიც და დაცვაშიც უფრო ძლიერი გახდა. პარიზელთა დამრიგებლის თქმით, მისი მიზანია, გოლი ყველამ გაიტანოს და არა ერთმა ფეხბურთელმა 40 შედეგიანი დარტყმა განახორციელოს. "გასულ სეზონში უკვე გითხარით, რომ შეტევაშიც და დაცვაშიც უფრო ძლიერი გუნდი გვეყოლებოდა. მჯერა, რომ ასეც მოხდა და ამაზე ციფრები მეტყველებს.
ადრეც აღვნიშნე, რომ არ მინდა ერთმა მოთამაშემ 40 გოლი გაიტანოს, არამედ მეტოქის კარი ყველა ფეხბურთელმა უნდა აიღოს, ჩვენი მიზანი სწორედ ესაა.
