მარადონა: იკარდის ნაკრებში თამაში ძანეტის დამსახურებაა

ფეხბურთის უგვირგვინო მეფეს დიეგო მარადონას მიაჩნია, რომ მილანის "ინტერის" თავდამსხმელი მაურო იკარდი არგენტინის ნაკრებში თამაშს არ იმსახურებს:

"დღევანდელი ალბისელესტეს მდგომარეობა მაშფოთებს. ვფიქრობ, მწვრთნელს ხორხე სამპაოლის უკეთესი ფეხბურთელების მიწვევა სჭირდება. იკარდი იხმო, გონია ახალი ბატისტუტა იპოვა და იგუაინის იგნორირება მოახდინა.

იკარდი ნაკრებში მხოლოდ იმიტომაა, რომ "ინტერის" ვიცე-პრეზიდენტმა ხავიერ ძანეტიმ უშუამდგომლა. ერთხელ ეროვნული გუნდის ყოფილ მწვრთნელს ედგარდო ბაუსას ვესაუბრე და მითხრა, რომ მაუროს მეუღლემ და აგენტმა ვანდა ნარამ დაურეკა და თანამეცხედრის მიწვევა მოსთხოვა. გაგიჟებული იყო კაცი".