სომხეთმა ჩვენი მომავალი მეტოქე ერევანში გაანადგურა [VIDEO]

ვიდრე საქართველოს ნაკრებთან სათამაშოდ გამოემგზავრებოდა, ბელარუსელთა ექსპერიმენტული გუნდი ერევანს ეწვია და ვაზგენ სარქისიანის სახელობის რესპუბლიკურ სტადიონზე სომხეთის ეროვნულ გუნდს შეხვდა.

შეხვდა და 1:4 წააგო. მასპინძელთა გუნდში "მანჩესტერ იუნაიტედის" ნახევარმცველი ჰენრიხ მხითარიანი გამოირჩეოდა, რომელმაც ერთი გოლი თავად გაიტანა და საერთოდ, თამაში მიყავდა. რაც შეეხება სტუმრებს, უამრავი შეცდომა დაუშვა "ვიტებსკის" მცველმა ნიკიტა ნაუმოვმა და 82-ე წუთზე შეცვალეს.

სლავებმა 2-3 კარგი მომენტი ვერ გამოიყენეს, თორემ ასეთი ანგარიშით არ დამარცხდებოდნენ, ან არც დამარცხდებოდნენ.

სომხეთი: ბეგლარიანი, ანდონიანი, მიქაელიანი, კადიმიანი (68. დაგბაშიანი), ამბარცუმიანი, მხითარიანი (75. გრიგორიანი), ოვსეპიანი, ე. მალაქიანი (78. ვარდანიანი), ოზბილიზი (46. სიმონიანი), პიცელი (67. იშხანიანი), ბარსეგიანი (67. კორიანი)

ბელარუსი: გუტორი, ბურკო, პოლიტევიჩი, ნაუმოვი (82. გავრილოვიჩი), მ. ვოლოდკო, კორზუნი (62. ლაპტევი), ბიკოვი (46. კლიმოვიჩი), კარნიცკი (78. ევდოკიმოვი), სედკო (46. კოვალევი), ნეხაიჩიკი (74. მატვეიჩიკი), საროკა

გოლები: 41. ოზბილიზი 1:0, 45. მხითარიანი 2:0, 55. ოვსეპიანი 3:0, 58. საროკა (პენ), 84. ვარდანიანი 4:1

ეს შეხვედრა ქართველმა არბიტრმა ლაშა სილაგავამ იმსაჯა.

შეგახსენებთ, საქართველოსა და ბელარუსის ნაკრებების მატჩი 13 ნოემბერს ქუთაისში ჩატარდება.