აშშ-ის პრეზიდენტის, დონალდ ტრამპის საპატივცემულოდ, ისრაელის "ბეითარმა" სახელწოდება შეიცვალა და ამიერიდან "ბეითარ ტრამპ იერუსალიმად" იწოდება.ასე გადაუხადა ამ კლუბმა მადლობა ტრამპს იმისათვის, რომ იერუსალიმის ისრაელის დედაქალაქად აღიარებას დაუჭირა მხარი.
"ბეითარი" ქვეყნის ექვსგზის ჩემპიონია, ამ სეზონში კი მე-2 ადგილზე გავიდა და ევროპა ლიგაზე იასპარეზებს.
იერუსალიმის სტატუსი პალესტინა-ისრაელის კონფლიქტში ერთ-ერთი საკვანძოა. ისრაელმა ქალაქის აღმოსავლეთი ნაწილი 1967 წლის ომის შემდეგ დაიკავა. იერუსალიმზე ისრაელის უფლებას აქამდე მსოფლიო თანამეგობრობა არ აღიარებდა.
!["გოლდენ სტეიტის" მწვრთნელმა დონალდ ტრამპს დასცინა [PHOTO]](/pictures/image7/0eee0bb51e8a8e5fcb2e54e779938223.png "\"გოლდენ სტეიტის\" მწვრთნელმა დონალდ ტრამპს დასცინა [PHOTO]")
