20 მარტს ბოლივიაში შესაძლოა, 2019 წლის ერთ-ერთი ყველაზე უცნაური მატჩი გაიმართა.
"კოპა სუდამერიკანას" ("ევროპა ლიგის" სამხრეთამერიკული ანალოგი) 1/32-ფინალში ერთმანეთს ბოლივიური "ნასიონალ პოტოსი" და ვენესუელური "სულია" ხვდებოდნენ.
ხშირად, როდესაც დამარცხებული გუნდი ამბობს, რომ მეტოქეს სჯობდა და დიდ უპირატესობასაც ფლობდა, ეს ღიმილს იწვევს, თუმცა ამ შემთხვევაში საქმე სულ სხვაგვარად არის.
წარმოგიდგენთ მატჩის სტატისტიკურ მონაცემებს:
ნასიონალი-სულია 0:1
კარისკენ დარტყმები 54:6
კარში დარტყმები 15:2
ძელი/ხარიხა 3:0
ბურთის ფლობა 79:21 (%)
პასების სიზუსტე 90:47 (%)
კუთხურები 13:0
აღსანიშნავია, რომ მატჩის წინ ბუკმეკერული კომპანიები "სულიას" შანსებს 25,00-იანი კოეფიციენტით აფასებდნენ.
მთელი მატჩის განმავლობაში "სულია" ბურთსაც კი ვერ ათამაშებდა, რაზეც პასების დაბალი სიზუსტე (47%) მეტყველებს. კარში მხოლოდ ორჯერ დაარტყა, 92-ე წუთზე კი მოულოდნელად კონტრშეტევა გოლით დააგვირგვინა.
"სულიას" გამარჯვება კიდევ უფრო გასაკვირი იმიტომ გახდა, რომ გადაფრენა, გადასხდომები და ავტობუსით მგზავრობა საერთო ჯამში 24 საათი გაგრძელდა. საქმე ისაა, რომ არაერთი ბოლივიური გუნდის სტადიონი მაღალმთიან რაიონებში მდებარეობს, სადაც ჟანგბადის უკმარისობის გამო მეტოქე გუნდების ფეხბურთელების შესაძლებლობები საგრძნობლად მცირდება.
"პოტოსის" სტადიონი ზღვის დონიდან 3900 მეტრის სიმაღლეზე მდებარეობს. მასზე მაღლა მსოფლიოში მხოლოდ სამი სტადიონია განლაგებული - ორი ბოლივიაში და ერთი პერუში.
მომზადებულია sports.ru-ს მიხედვით
კოლუმბიის ნაკრების ყოფილი ფეხბურთელი ნარკოტიკების გადატანისთვის დააპატიმრეს
ესპანელი გენეტიკოსი: ლეო მესის მსგავსი ადამიანის შექმნა შეგვიძლია
ცრემლსადენი გაზი, ცეცხლი და დაპირისპირება პოლიციასთან - "პანათინაიკოსისა" და "ოლიმპიაკოსის" მატჩი ჩაიშალა [VIDEO]
