ჰოლანდიის ნაკრების ყოფილმა თავდამსხმელმა რობინ ვან პერსიმ საფეხბურთო კარიერა დაასრულა.
მან ბოლო შეხვედრა 12 მაისს, "ფეიენოორდის" რიგებში, "დენ ჰააგის" წინააღმდეგ გამართა, რომელიც მისი გუნდის დამარცხებით (0:2) დასრულდა.
35 წლის ფორვარდს სხვადასხვა დროს "ფეიენოორდში", ლონდონის "არსენალში", "მანჩესტერ იუნაიტედსა" და "ფენერბახჩეში" უთამაშია.
მან ჰოლანდიის ნაკრებთან 2010 წლის მსოფლიო ჩემპიონატზე ვერცხლის მედალი მოიპოვა. მისი გუნდი ესპანეთთან 0:1 დამარცხდა.
ეროვნული ნაკრების რიგებში რობინ ვან პერსის ანგარიშზე 102 ჩატარებულ მატჩში 50 გატანილი გოლია.
იაია ტურემ საფეხბურთო კარიერა დაასრულა
ხავი სეზონის ბოლოს ფეხბურთელის კარიერას დაასრულებს
