10 ნოემბერს, სერია A-ს მე-12 ტურში "იუვენტუსმა" საკუთარ მოედანზე 1:0 დაამარცხა "მილანი".
"როსონერიმ" დიდი წინააღმდეგობა გაუწია "ბიანკონერის", რომლის თავდამსხმელმა რონალდომ ვერ მოახერხა მეტოქის კარის დალაშქვრა და მწვრთნელმა მაურიციო სარიმ 55-ე წუთზე პაულო დიბალათი შეცვალა. თანაც, უკვე ზედიზედ მეორე მატჩში შეცვალა. გაბრაზებული კრიშტიანო პირდაპირ გასახდელში გავიდა, სტადიონი კი საფინალო სასტვენამდე 3 წუთით ადრე დატოვა.
აშკარაა, პორტუგალიელი ამ სეზონში იტალიის ჩემპიონატზე ჩვეულად ვერ ასპარეზობს - 5 გოლი გაიტანა და აქედან 2 პენალტით.
გამარჯვების გოლი დიბალამ 77-ე წუთზე გაიტანა.
"იუვენტუსმა" 32 ქულა დააგროვა და ლიდერობა დაიბრუნა - "ინტერს" 1 ქულით უსწრებს და 23 ნოემბერს ბერგამოში "ატალანტას" დაუპირისპირდება.
რაც შეეხება "მილანს", 13 ქულით მე-14 ადგილზეა და გასავარდნ ზონას 4 ქულა აშორებს.
"იუვემ" "მილანს" "ალიანც სტედიუმზე" ჩატარებული ცხრავე მატჩი მოუგო - ასეთი უარყოფითი შედეგი იტალიის არც ერთ გუნდს არა აქვს.
ფაბიო კაპელო: რონალდოს 3 წელია არავინ მოუტყუებია
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
![რონალდო არასპორტული საქციელის გამო გააძევეს - მსაჯი პორტუგალიელის მუშტს გადაურჩა [VIDEO]](/pictures/image7/ea2be323367c94b124be4a91800b3f70.png "რონალდო არასპორტული საქციელის გამო გააძევეს - მსაჯი პორტუგალიელის მუშტს გადაურჩა [VIDEO]")
