ტურინის "იუვენტუსის" კაპიტანმა ჯორჯო კიელინი Sky Sport Italia-სთან საუბარში "ოქროს ბურთის" დაჯილდოებას შეეხო და რამდენიმე საინტერესო მოსაზრებაც გამოთქვა.
"ძალიან ძნელია იმის თქმა, თუ წელს ვინ დაიმსახურა ყველაზე მეტად "ოქროს ბურთი", მესიმ, ვან დეიკმა თუ რონალდომ. სამივეს შესანიშნავი სეზონი ჰქონდა. ეს ფედერერსა და ნადალს შორის გადაწყვეტილების მიღებას ჰგავს.
თუ მათ ჩემპიონთა ლიგის გამარჯვებულის დაჯილდოება სურდათ, მაშინ "ოქროს ბურთი" "ლივერპულის" მცველისთვის უნდა მიეცათ. თუ ყურადღებას ადგილობრივ ჩემპიონატებზე გაამახვილებდნენ, მაშინ გამარჯვებული შესაძლოა რონალდო ყოფილიყო, ან იგივე მესი.
ძალიან რთულია გადაწყვეტილების მიღება, თუმცა ჩვენთვის
სასიხარულოა, რომ ამ სამი ფეხბურთელიდან ერთ-ერთი ჩვენთან თამაშობს. მიუხედავად იმისა, რომ ახლა კარიერის საუკეთესო პერიოდი არ უდგას, ის ჩვენთვის უმნიშვნელოვანესი ფეხბურთელია.
რონალდოს "ოქროს ბურთი" წინა სეზონში ეკუთვნოდა, თუმცა "რეალში" სხვაგვარად გადაწყვიტეს და ეს მართლაც უცნაური იყო. ლუკა მოდრიჩის მიმართ დიდი პატივისცემის მიუხედავად, "ოქროს ბურთი" მას კარიერის საუკეთესო სეზონშიც არ ეკუთვნოდა.
ეს უბრალოდ სიგნალი იყო "რეალიდან", მათ რონალდოს შეჩერება სურდათ. მოდრიჩმა ჩემპიონთა ლიგა მოიგო და ამ პრინციპით წელს ვან დეიკს უნდა გაემარჯვა, შარშან კი პოგბას, გრიზმანს ან მბაპეს, რადგან ისინი საოცარ რამეებს სჩადიოდნენ მსოფლიო ჩემპიონატზე,"- თქვა კიელინიმ.
![alt](/pictures/image50/0f7704c95b281dc9e0339574247c1db4.jpg "ჯორჯო კიელინი: კრიშტიანო რონალდოს ოქროს ბურთი მადრიდის "რეალმა" მოპარა")
"იუვენტუსის" სპორტული დირექტორი რონალდოზე: "ოქროს ბურთზე" ადგილების განაწილება ყოველთვის კითხვებს ბადებს ![alt](/pictures/image50/d6123655a7179aa1a702ccd07fe99f24.jpg "ჯორჯო კიელინი: კრიშტიანო რონალდოს ოქროს ბურთი მადრიდის "რეალმა" მოპარა")
ლეო მესის "ოქროს ბურთი" მეექვსედ გადაეცა![alt](/pictures/image50/50b0862f9975c32b8cf50938b17d2b6b.jpg "ჯორჯო კიელინი: კრიშტიანო რონალდოს ოქროს ბურთი მადრიდის "რეალმა" მოპარა")
რონალდომ სერია A- ს საუკეთესო ფეხბურთელის პრიზი უხალისოდ ჩაიბარა - ის "ოქროს ბურთზე" დარდობდა
![ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]](/pictures/image7/e1989fba3aa72fc932e5745d76e1d573.jpg "ბელინგემს დიდებული გემოვნებაც ჰქონია - აი, ასეთი ლაურა ჰყავს ჯუდს [PHOTO]")
!["რეალმა" საოცარ ელ კლასიკოში "ბარსას" სძლია და, ფაქტობრივად, ჩემპიონობა გაინაღდა [VIDEO]](/pictures/image7/1daa5ca3ea1f7734404c293eb5019c44.jpg "\"რეალმა\" საოცარ ელ კლასიკოში \"ბარსას\" სძლია და, ფაქტობრივად, ჩემპიონობა გაინაღდა [VIDEO]")
წარმატებებს თავდამბლობა კი არ ქმნის (საბჭოთა ნარატივი) არამედ
კლასი და მიღწევები