ბოლო წლების განმავლობაში 2021 წლის "ოქროს ბურთისთვის" ბრძოლა ყველაზე გამორჩეული და საინტერესო გახლავთ. 2020 წლის ჯილდო პანდემიის გამო გაუქმდა. აზრები, რა თქმა უნდა, იყოფა, შეძლებს მესი კოპა ამერიკის მოგების შემთხვევაში მე-7 ჯილდოს მიღებას?
როგორც წესი, "ოქროს ბურთისთვის" ბრძოლას სხვადასხვა კრიტერიუმი აქვს. მოიგო თუ არა ფეხბურთელმა ჩემპიონთა ლიგა, არ ნიშნავს იმას, რომ ის ამ სანუკვარ ტიტულს იმსახურებს.
ფეხბურთის გულშემატკივრები 11 ივლისს განსაკუთრებულად ელოდებიან, რადგან ამ დღეს კოპა ამერიკისა და ევრო 2020-ის ფინალური შეხვედრები გაიმართება.
ჩემპიონთა ლიგისა და (პოტენციურად) ევრო 2020/კოპა ამერიკის
ჟორჟინიო (იტალია/"ჩელსი")
ესპანეთის ნაკრების წინააღმდეგ შესრულებული გადამწყვეტი პენალტით ჟორჟინიო და "აძური" ფინალში გავიდნენ. "არისტოკრატების" ნახევარმცველმა შესაძლოა სრულიად დამსახურებულად მოიგოს ეს სანუკვარი ჯილდო.
ჟორჟინიო, შესაძლოა, ფაბიო კანავაროს (2006) შემდეგ, პირველი იტალიელი ფეხბურთელი გახდეს, რომელმაც "ოქროს ბურთი" მოიგო, ლეგენდარულ მცველამდე კი ეს ტიტული რობერტო ბაჯომ (1993) დასაკუთრა.
მეისონ მაუნტი (ინგლისი/"ჩელსი")
ალბათ, ნებისმიერი ახალგაზრდა ფეხბურთელი მეისონ მაუნტისნაირ კარიერის აღზევებას ინატრებდა. ჯერ კიდევ 2 წლის წინ პრემიერლიგაშიც კი არ უთამაშია, ის "ჩელსის" რიგებში "დერბიდან" იჯარის ვადის გასვლის გამო ბრუნდებოდა.
და მოულოდნელად, ახალგაზრდა მაუნტი ჩემპიონთა ლიგის გამარჯვებული გახდა, ევრო 2020-ის ტიტულამდე კი ერთი შეხვედრის მოგებაღა აკლია.
ტიაგო სილვა (ბრაზილია/"ჩელსი")
თუ მაუნტი კარიერას ახლა იწყებს, სილვა პირიქით, დასასრულისკენ მიდის. "ჩელსისა" და "სელესაოს" მცველი სექტემბერში 37 წლის გახდება. ალბათ, ის ვერც ვერასდროს იფიქრებდა, რომ შესაძლოა კარიერის ბოლოს მსგავსი წარმატებისთვის მიეღწია.
თუ ბრაზილია კოპა ამერიკის ფინალს მოიგებს, საკმაოდ დიდი შანსია, ტიაგომ "ოქროს ბურთი" მოიგოს და თავისი დიდებული კარიერა ფანტასტიკურად დაასრულოს.
ლაუტარო მარტინესი (არგენტინა/"ინტერი")
ლაუტარომ და "ინტერმა", როგორც იქნა, სერია A-ში "იუვენტუსის" ჰეგემონია დაამხეს, "ნერაძურიმ" 2010 წლის შემდეგ სკუდეტო პირველად მოიგო. თუ ლაუტარო არგენტინას დაეხმარება, რათა კოპა ამერიკის გამარჯვებული გახდეს, დიდი შანსი იქნება, ეს ჯილდო "ალბისელესტეს" ფორვარდს გადაეცეს.
ნიკოლო ბარელა (იტალია/"ინტერი")
ნიკოლო ბარელა (იტალია/"ინტერი")
ევრო 2020-ის შემდეგ იტალიის ნაკრების ნახევარმცველი ბარელა ვარსკვლავი გახდა. მან "აძურის" თამაში სხვა დონეზე აიყვანა. ასევე, ბელგიის ნაკრების კარში შესანიშნავი გოლი გაიტანა.
ედერსონი (ბრაზილია/"მანჩესტერ სიტი")
ედერსონი (ბრაზილია/"მანჩესტერ სიტი")
]1963 წელს ლევ იაშინმა "ოქროს ბურთი" მოიგო. მას შემდეგ არც ერთ მეკარეს ეს ჯილდო არ დაუმსახურებია. "მანჩესტერ სიტიში" ბრაზილიელ კიპერს კარგი სეზონი ჰქონდა, პრემიერლიგა მოიგო.
ჯონ სტოუნსი (ინგლისი/"მანჩესტერ სიტი")
ინგლისის ნაკრების დაცვა სტაბილურობით გამოირჩევა. ფაქტობრივად, შეიძლება ითქვას, ფეხბურთელებმა საკუთარი თავი ხელმეორედ იპოვეს და "სამი ლომის" ნაკრების დაცვაც გააძლიერეს.
ჟოზე მოურინიო ლუკ შოუს "მანჩესტერ იუნაიტედიდან" გაშვებას აპირებდა, კაილ უოლკერმა "სიტიში" გადასვლის შემდეგ საკუთარი თავი მეორედ იპოვა, ჯონ სტოუნსმა კი რუბენ დიასთან ერთად "ქალაქელების კედელი" შექმნა.
თუ ინგლისი ჩემპიონი გახდება, შანსი ჯონ სტოუნსსაც მიეცემა.
და... მესი (არგენტინა/"ბარსელონა")
ის, რა თქმა უნდა, განსაკუთრებულია. ის ყოველთვის აქ იყო, ეს მისი და მისი მუდმივი კონკურენტის ისტორიაა. "ბარსელონას" ამ სეზონში ტიტული არ მოუგია, თუმცა ლეო სანაკრებო ტიტულთანაა ერთ ნაბიჯში, რაც მის კარიერულ მონაგარს ერთიორად გაზრდის.
თუ მესი შეძლებს კოპა ამერიკის მოგებას, ლეგენდარულმა ფეხბურთელმა შესაძლოა ჯილდოდ მე-7 "ოქროს ბურთი" მიიღოს.
მომზადებულია marca-ს მიხედვით
![უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]](/pictures/image7/c271a1c191ad0ddce5f0ddf7c9d5c5b6.jpg "უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]")
!["გოგლიჩიძე "ინტერთან" მატჩისას გასაძევებელი არ იყო" - იტალიის ნაკრების ყოფილი ფეხბურთელი [VIDEO]](/pictures/image7/2ff88f4f28a2f8562597d2249ec2dd52.jpeg "\"გოგლიჩიძე \"ინტერთან\" მატჩისას გასაძევებელი არ იყო\" - იტალიის ნაკრების ყოფილი ფეხბურთელი [VIDEO]")
წაიღეს ტვინი მესი-რონალდუებმა))
თუმცა წელს ეკუთვნის. კოპაც რომ ვერ მოიგოს, მაგ შემთხვევაშიც კი... ჯერ ერთი, კლუბშიც და ნაკრებშიც შეუდარებელია და მეორეც, გამოკვეთილი კონკურენტი არ ჰყავს ისეთი, რომელზეც ვიტყოდით რომ საოცარი სეზონი ჰქონდა.
თუმცა იმედია კოპას მოიგებს და საერთოდ დახურავს ამ თემას. რა ჟორჟინიო, რის ედერსონი ხალხო ?! )))
შოთა 36 წლის :)