"ინტერის" თავდამსხმელმა სამუელ ეტოომ "ბაიერნთან" ჩემპიონთა ლიგის საპასუხო 1/8 ფინალური მატჩის წინ, რომელიც მიუნხენში დღეს საღამოს შედგება, აღნიშნა, რომ საშინაო მატჩში მინიმალური ანგარიშით დამარცხების შემდეგ გუნდს მეოთხედფინალში გასვლა შეუძლია."შანსი გვაქვს მიუნხენში კარგ შედეგს მივაღწიოთ და იმედი მაქვს, რომ ამ შანსს გამოვიყენებთ. გუნდი მომავალი მატჩისთვის მზადაა. "ინტერს" "ბაიერნის" ბარიერის გადალახვა შეუძლია.
ჩვენი გუნდის მოთამაშეები ჩემპიონთა ლიგაში წარმატებული გამოსვლისთვის აუცილებელ თვისებებს ფლობენ. "ბაიერნმა" მილანში მოიგო, რატომ არ შეგვიძლია ჩვენ მიუნხენში გავიმარჯვოთ?" - განაცხადა ეტოომ.
მომზადებულია Sky TV-ის მიხედვით
.
